LMC KHA DARTHLALANG

LCM inthlan hi politics khawvela record tling. Chutih laiin mi tam takin kumin kum tawp lama MLA general election lo awm tura nghawng a neih em em ring lo pawh an awm a, amaherawhchu nghawng thui tak a nei dawn a ni.

Bur chhia apiang a thawm a ring a, candidate te khawi party pawhin an set thiam hle. Lunglei mipuiten ngawi rengin rilru nghet tak an nei sa, a chhan chu eng pawh nise, inthlan ni a voter-te kan media-ten "tunge tlinga i rin" tih zawhna an chhan dan tam zawk aṭang thlira thil lang chiang ta chu, ZPM hun a ni ve tan tlat tih alang. ZPM va duh vang hrim hrim ni lo, he politics in lehthalna ropui tak mai hian chhan a nei a, tam tak zingah point 3 chiah thlir teh ang.

Ṭhalaiten kan ram rorel khawl politics an ngaihven ṭan. Kan hmangaih Zoram tan hian, lo ral thlir ringawt an tum tawh lo, a chhelai siam ṭhatu nih an duh. Social media chak tak generation-ah chuan, tuna kan rama party lian pahnih hruaitu kum tam Mizoram hruaina fawng vuantute an mizia thlengin alo phawrh nghauh nghauh tawh mai. An fel lohna leh an felna thlengin thingtlang ber aṭang pawhin kan hre vek tawh. Chutih laiin langtlang sawrkar, bank-a an pawisa neih zat hre vek ngam, a ṭul chuan a hotupa ber CM pawisa neih zat pawh mipuite hrilh vek ngam khawp party pakhat hi enchhin kan duh.

LMC result kha ram changkang zia a ni. Miin ṭawng ṭeuh aiin thiltiha lantir chi kan mamawh tih kan hria. Mi tam takin ZPM party an zawm chhan hi amah Pu PL-a ṭawngkam takin ropui an tih em vang a ni lo, pu Duhawm a ṭawngkam thiam vang pawh a ni lo; ram hmangaihna vang chauh a ni. Politics hi gambling ang maia ngaitu nuaibo an duh tawh vang a ni.

Tirhkoh Paula'n rinnaa a fa chuam, Timothea hnena "Lu a kelsam ṭote hmaah chuan i ding fo tur a ni" (Bible) a tih hi ṭhangtharten kan hriat fo atan a ṭha. A chhan chu, upaho kawmin an thusawite ngaithla ṭhin tur leh an bula an hmaa (mipui tlingte) thute sawi ve ṭhin tura a tihna a ni. Ṭhalaiten thuziak/ lehkhabu chhiar tam zel ila, i fing deuh deuh ang u. Chumi rah chu kan ram hian a tel zel dawn a ni.

Ngun takin chhut la, LMC kha kum tawpa MLA inthlan lo awm tur nen a inkungkaih tlat a ni. Duhthusamah chuan MNF leh Congress party-ah mi fel eng emaw zah an awm a, chungho chu ZPM-ah lut se i ti nge? An party aṭang lo ding se i ti?

Kei chungho MNF leh Congress mifel a ngaihna hre ho, kum tam ram lo hruai tawhho nen kan Zoram hi min han kaihruai se ka va ti em aw...

- azyuthang