Written by
David Sailo 2

Tuihawk luan kawr

Kan hriat tlan tawh mah nise sawi nawn leh a ngai, chu chu tuihawk luan kawr kan ramin a nei ṭha lo lutuk hi a ni. A veiawm a, tuiluan kawr ṭha neih hi ramin hmasawnna kawng a zawh tur zinga pawimawha chhiar tel tur a ni ngei ang.

Ruah a sur chuan tuihawk luan kawra mi tuite chu kawngah emaw a remchang laiah luang chhuakin a liam pur pur ṭhin a, chu chuan leimin te a thlen phah thei a ni. Kawng metal ṭhat sa pawh a tih chhiat phah theih bakah harsatna dang pawh a thlen thei.

Tun dinhmuna kan ramin tuiluan kawr neih te en mai chuan ruah a sur tam deuh chuan kan tuiluan kawrte chu a liam zawih zawih ṭhin a, a liam piah lamah hian tuiluan kawrah chuan block-tu a awm ṭhin tih hi hai rual a ni lo a, luan kawr aṭang chuan bawlhhlawh te chu kawngpuiah tuiin a rawn luan chhuah pui fo ṭhin a ni. Tui luan chhuah avang chuan kawngah lirthei tlan thlengin harsatna a thlen thei a, ke a kalte tan lah tuihawk dai nasat a ngaih phah hial ṭhin a ni. Heng bakah hian tui luang chhuak chu lungkar neuh neuhah a lut thei a, chu chuan lei a ti nghet lo thei bawk.

Ram changkang zawkah te chuan an tuiluan kawrte an ngaipawimawh hle ṭhin a, khawpui a bawlhhlawh loh nan tal pawh an ngai­pawimawh hram hram ṭhin a ni.

Harappan Civili­zation (BC) hunlai daih aṭang tawh khan tui luan kawr hi mihring­te khan an lo ngai­pawimawh tawh hle a ni tih history aṭang paw'n kan hre thei a ni. Chuvang chuan ramin hmasana kawnga zawhna kawngah hian tuiluan kawr neih ṭhat te pawh hi a tel ve tih hriat a pawimawh hle a ni.

Hmala theitu leh thuneitu lamten hemi lamah hian tunai nasain an ngaihtuahna seng thei se a duhawm hle a, hmalak a ṭul chhan kawng ṭhenkhat chu luikawr luanna ṭha kan nei thei a nih chuan chhiatrupna lo thleng thei laka min veng theitu, ram develop­ment-na leh faina kawnga min pui thei thu a ni ngei bawk ang.

Duhthusamah chuan ruahsur hun loh laite hian heng kan tuiluan kawrte hi siamṭhat ngai siam a, luan kawra block-tu awm te paih chhuah a, vil lutuk chu a ngai hle niin a ngaih theih.

- David Sailo 2