SARZAM LEH NI DIAR KHIM

Sarzam kan tih hisapin 'circumzenithal arc' emaw 'upside down rainbow' an ti. Ni diar khim chu sapin Halo (optical phenomenon) an ti thung. Ni diar khim hi sarzam em maw ti kan awm fo a, hriat sual vang a ni. 

Ni diar khim (halo) hi JF-a pawhin Sarzam tiin a dah a. A dik hlel deuh niin a lang. 

A fiah zawk na'n pi puten thansar leh thihsar nih phung an sawi dan han tar lang i la: 

Thansar : Khawchhak lamah a zam. 

Thihsar : Chawhnu thlang herah khawthlang lamah a zam. 

Thansar leh thihsar te hi a khamphei zawngin a zam tiin an sawi ṭhin a. Hei hian ni diar khim hi sarzam a nih lohzia a sawi chiang viau awm e. 

Sarzam leh ni diar khim te hi chhimbal chi khat an ni ve ve a, khuanu thil siam mawi tak an ni. Hla phuah thiam HC Sanglura pawhin sarzam mawizia hla thu hmangin a au chhuahpui a, nula hmel ṭha tak tehkhin na'n, "I sakhmelah sar a zam em ni?" a ti a. 

A sa hmasatu Ngengpuii Tochhawng khan a phuahtu phuah ang takin "I sakhmelah sar a zam em ni?" tiin a sa a, a hnuah Daduhi'n "Dar a zam em ni?" tiin a sa thung.