Tui Bill sän lovin SEDP zawk hi sem lo se

Mizoram sorkar chuan a duhsak zualte chu SEDP sem tumin a theih ang angin sum a la khawm mêk a, chumi hmanrua a nih leh nih loh chu hre ve lem lo mah ila tunlai hian PHE chuan tui bill tih pun a hun tawh thu an sawi thar leh mêk a nih chu.

SEDP hi an sem dâwn a nih rau rau chuan kum 2018 inthlan hmaa mipuiin an phût hauh lova, "Cheng nuai 3 chhung tinin in dawng dâwn," an tih ang khan nuai 3 ngei mai hi sem rawh se.

Nuai 3 an sem thei lo a nih chuan, "Rin aiin a lo harsa daih maia kan thei leh lo a, min hrethiam rawh u," ti ngam ve tal se. First instalment tih phuahchawpa Rs 25,000 sem hi chu mipui thamlohna a ang lek lek zawk.

A chhan chu nitina inhlawhfa pangngai hian ni khatah Rs 500 hlawhin ni 50 chhungin a hlawh thei. Chu chu kum 4 sorkar hnua mipui pek atan chuan a iaiawm a ni.

Tunlai hian Tui Bill chu tih pun tum a ni a, tipung lo law law se SEDP pawh hi sem lo law law bawk se.

Tunah hian SEDP pawisa tur te hi sorkara thil ti thei fal deuhte hian an lo chiah puam leh mek tawk zawk nge tih pawh a hriat lo.

Sorkar pawisa sem tur hi engnge a thlen chin, chhungkaw engzat daih nge a nih tawh tih te pawh hi a hriat si lo, pawisa tih chingpenna rem­changah hmangin tih khawtlai a ni em? tih te pawh chhut tham tak a ni ta.

MNF Flagship Prog­ramme SEDP vahvaihpui bertu Health Minister, Dr. R. Lalthangliana tal hian SEDP sum thlen chin leh thil awm dan hi chiang takin sawi thei se tih te hi a duhawm. Bill tih sana mipui sawr vak vakna tur ringawt zawng lo hian sorkar hian SEPD sem loh phah nan te pawh te pawh hmang se, bill hi tisang tawh lo mai zawk se, Mizo mipui tan a ṭha zawk ang.

Tichuan, mi zawng zawng min nghawng tui bill hi an tihpun leh chuan mi zawng zawng nghawng Electric Bill a pung tawh bawk si a, mi zawng zawng hnenah Rs 3,00,000 SEDP an sem dâwn a nih loh chuan bill tipungin rawn khawn buai lo law law se kan duh zawk awm si.

- Lalsangliana