Ka vei ve zawng
1. Rawtuai-a sum-dawn: Kum 2000 hma lam kha chuan "Rawtuai khawrh awih a ni lo" an ti a. Mahni chhungkaw eikhawp lek lekin kan khawrh ṭhin. Tun hnuah hi chuan lamlian tlangdungah keh Bazar hmunah sumdawn nan rawtuai kan hmang ta a.
Kolasib ram leilet kam vel mau rem nasat tawhzia ka hmu ve reng a. Rawnal phei chu a vang ta hle mai. Hetianga sumdawn nana rawtuai kan hman a, motor-te a kan phurh zel hi chuan kan mau hian rei a daih ka ring lo.
2. Hruizik, meihle, tum leh thangṭung zik zawrh: Kum 1950 chho vel kha chuan Lal lallai
aṭanga hruizik kheh an khap kha a la kal zel a. Thilhek sat ten a kung sang an kih chu a zik an lak phal a ni a, hrui chhat hoin an hrui chhah zik an lak phalsak an ni. Vawikhat ei bak kheh a har hle ṭhin. Tunah erawh chuan sumdawn nan Bazarah leh kawngpui dungah an tiang el ul mai a. Ramhnuai leh leilet lama awm ṭhinte tan chuan hruitung, kawrtai, hruipui, thilthek hmuh tur a vang sawt hle mai. Tuna kan kal dan hi Hnahchang Lalpa zuruiin, "khuate u a tlaran zawng hlirin aw," a ti an tih kan ang tawh mai awm e.
3. Khawfai dan tur atan: Kan khawpui deuh deuh hi khaw awitlan leh awi panga awm kan ni ber a. Fur ruahtuiin kan bawlhhlawh a len bo zel a. Khaw fai kan ni ve deuh mai a, mahse han en chian chuan kawngsir tuihawk luankawr (side drain) leh tuikawr hnawmhnawk nasatzia kan hmu a. Kawr kama awmte pawhin bawlhlawh min an paih tih hriain kan paih ve mai zel.
Hei hi V.C or LC te hnuaia Sanitation Committee te hian tlawmngaih chhuahin kartin emaw entu insiamin, "Helai chu a fai ṭha mang e, in in vel a va fai love," te han ti ṭhin se kan fai theih a rinawm.
Hetianga fai leh bal lai endik fo a nih chuan mi in luahte pawhin an zawm ve mai ang. Entu awm lo hi chuan kan ṭha awm ve ṭheuh mai a ni.
- VL Nghaka