INDIA SAWRKARIN CIVIL CHAWIMAWINA SANG A PEKTE
India Sawrkarin a khua leh tui Civil mite Chawimawina sang ber a neih chu a indawtin 1) Bharat Ratna, 2) Padma Vi Bhushan, 3) Padma Bhushan leh 4) Padma Shri te a ni.
Kan Mizo zingah Bharat Ratna leh Padma Vi Bhushan dawng phak kan la awm lova. Padma Bhushan leh Padma Shree kan Mizo zinga hmu leh an hmuh kum chu hetiang hi a ni.
PADMA BHUSHAN
Padma Bhushan hi India ram civil mi chawimawina sang ber aṭanga pathumna niin Mizo zingah dawng thei pakhat kan nei a, chu chu L.Z Sailo a ni. Tun hmain India sipaiah Captain niin U.N Peace Keeping Force-ah Congo ramah a thawk tawh a. Lehkhabu ziak ṭhin niin a lehkhabu ziah pakhat 'Runlum Nuthai' chu kum 2002 khan Mizo Academy of Letters chuan lehkhabu ṭha ber Book of the year-ah a thlang nghe nghe a ni.
PADMA BHUSHAN
1. Capt. L.Z Sailo - 2007
PADMA SHRI
1. A. Sawihlira - 1983
2. James Dokhuma - 1985
3. Nuchhungi - 1986
4. Hrangaia - 1987
5. Khawlkungi - 1987
6. J.Buana - 1988
7. R.K Lalhluna - 1991
8. C.Rokhuma - 1992
9. R. Vanlawma - 1998
10. Lalsangzuali Sailo - 1998
11. Brig. Thenphunga Sailo - 1999
12. P.S Chawngthu - 2000
13. Rev. H.S Luaia - 2002
14. Dr. C. Lalhmingliana - 2003
15. Darchhawna - 2005
16. Rev. Lalsawma - 2005
17. Laltluangliana Khiangte - 2006
18. Lalthangfala - 2009
19. Lalzuia Colney - 2010
20. Buangi Sailo - 2011
21. R.L Thanmawia - 2012
22. J. Malsawma - 2013
23. C. Chhuanvawra - 2014
24. A. Zakia - 2018
25. C. Kamlova - 2020
26. Lalbiakthanga - 2020
27. B. Sangkhumi - 2021
28. V.L. Nghaka - 2022
Heng chawimawina sang Padma Shri te hi vantlang tana thawk ṭha Social Service avang te leh zirna lampanga thawhhlawk bik ten an hmu ber a. Lehkhabu ziaktute leh hla phuah thiamte pawh pek an ni ṭhin. India ram zau zawkah chuan lemchan thiam te pawhin an dawng ṭhin.
Hetiang dawng thei tur hian an hming a ruka nominate an nih hnuah an thawhna hotute hnen aṭangin confidential report kimchang an dil ṭhin a. Hmuh loh palha vui vaina a thlen loh nan confidential report pe tu department head-te hian chawimawina an hmuh hmain an zep tlat ṭhin.
Chung report chu central-a forward a nih hnuah committee-in an lo zirchiang a, chawimawi phu te chu Award hlan an ni ta ṭhin a ni. India President hnen aṭangin heng chawimawina sang hi an dawng ṭhin a. Heng chawimawina dawngte chu khua leh tui chunglam an nih avangin an zin velnaah pawh Mizoram House-ah te duhsak bik an ni a, Republic Day leh Independence Day lawmnaah te Special Invitation an dawng ṭhin.
(Padma Shri dawng tute leh an dawn kum ziah sual emaw hmaih palh emaw an awm chuan Whatsapp-in min han hriattir theih chuan a lawmawm hle ang.)
- Dr. C. Biakmawia