MIZO OFFICER CHHUANAWMTE(4)

Indian Police Officer ni tur hian Union Public Service Commission exam kaltlang a ngai a, ṭum khatah mi sing tam takin exam an beih laiin za tlemte chauh an tling ṭhin.

Training an paltlang hnuah I.P.S. officer niin District-ah te an lo chhuak a. An hna vawn hmasa berah pawh Assis­tant Superintendant of Police (A.S.P.) ah an ṭan ṭhin. Addi­tional S.P. ah kaisangin Senior S.P. an ni leh a. Hna­thawh ṭhat leh efficiency azirin an kaisang zel a, Deputy Inspector General (D.I.G.), leh Inspector General of Police (I.G.P.), chumi hnuah Director General of Police (D.G.P.) ah kaisangin, chu chu state khata Police hotu lu ber a ni.

Vannei fal deuhte phei chu Chief Secretary-ah te an awm thei bawk. Police Officer te hi ram chhunga dan leh dun kengkawhtute an ni a. Police officer fel tak leh dik tak awmna hmunah chuan rukruk te, eiruk te, tualthah te an bawhzui ṭhain a tlem phah bawk ṭhin.

Kan ramah rinawm takin sawrkar hnathawk te leh mipui vantlangin dan (law and order) kan zawm ṭha em tih te hi police hotute mawhphurhna a ni lehzual a. Mimal hlawkna um mai lova dikna humhimtu an nih zel kan duhsak a ni.

Chuvangin, kan ramah diknain ro a rel theih nan kan Police Officer, a junior aṭanga a lal ber thlengin kan ṭawiawm leh kan ṭawngṭaipui a ṭul hle. Anmahni kan chawimawinan leh an hming a daih loh nan Mizo hnahthlak IPS Officer chhuanawm te hi kan han tarlang a ni.

- Dr. C. Biakmawia Mobile : 8787553374