KUM 50 CHUANG DAN KAN LO NEIH TAWH TIHTAWP A NI HI TUIRIAL HYDEL PROJECT COMPENSATION CLAIM TUTE DUHTHUSAM A NI THEI ANG EM?
25th October, 2021 (MSR) : Section 21 of The Mizo District (Forest) Act, 1955 tlawhchhanin lui kam tawn mel chanve ve ve chu sorkar ram (Council Reserved Forest) atana dahna, 28.01.1965-a sorkarin notification a lo siam chu, 27th January, 2021 khan Gauhati High Court, Aizawl Bench chuan a hnawl (set aside and quashed) ta a. Hei hi ram hnuk khawih thil a nih avangin ngun leh chik taka kan ngaihtuah a ngai dawn hle a ni.
Lui kam humhalhna dan kum 50 chuang fe lo awm tawh, Gauhati High Court, Aizawl Bench in a ṭhiah tak chu heng luite hi an ni:
1. Tlawng, (Doleswari)
2. Tut, (Gutur)
3. Teirei, (Pakwa)
4. Langkaih, (Longai)
5. Chemlui
6. Serlui
7. Tuivai
8. Tuivawl
9. Tuirini
10. Tuirial
11. Tuiruang
12. Khawthlangtuipui (Karnaphuli)
13. Tuichawng
14. Kau
15. De
16. Phairuang
He dan ṭhiah takin a tum ber chu, kan lui tuihnate a khawro zel loh nan leh lui kam leh a chhehvela nungchate an chereu lohna atana siam ni berin a lang a. Nimahsela, dan hi ziakin awm mah se, a nih dan tur anga kenkawh a ni lo fo va. Lui kam ram ṭhate chu ei bar zawn nan kan mamawh angin kan hmang lo thei lo va. Ram zau tak takte chu mimalin huan lo ram atan an nei a, leilet leh huan pass an siam a, kan tuihna siamtu ramngaw ṭhiata kan tihchereu zel avangin tuihna a tlem tial tial a. Ngun taka chik peih tan chuan Aizawl khawpui chawmtu Tlawng lui ngei pawh a kám sawt hle tih chu kan hre thei awm e. Heng luikam hmun tam taka mimal ram hman ṭangkai si lohte hi, engtin nge vantlang ram humhalh ni leh tura kan lak let leh theih ang tih chu mi ṭhahnemngai tam takin an lungkham mek laiin, he dan hnawl (quashed) a ni ta mai hian nghawng chhe tak a nei ang tih a hlauhawm hle mai.
Tuirial Hydel Project siam tum vawi khatna kha compensation claim tam lutuk avangin harsatna a thleng a. Hnathawktu NEPCO leh compensation claim-tute inkarah harsatna thlengin Hydel Project siam tuma hmalakna hmasa chu tihtawp a ni. Hun a lo kal a, Pu Hawla sorkar lo piangin sorkar hmalakna azarah hna thawh chhunzawm niin, khuah puitlin a lo ni ta a. Tunah MNF rawn sorkar lehin, tun hnaiah Tuirial Hydel Project compensation claim-tute bawk chuan an rawn tharthawh leh niin sawi a awm a. Chu'ng mite tana hnawk tak, riverine forest reserve dan kan lo neih tawh tihtawp a ni hi ngun taka kan ngaihtuah a ngai hle a ni.
He lehkha No. B.11011/1/2021-GAD Govt. of Mizoramin a sawi zel dan chu hetiang hi a ni;
Mizoram sorkar chuan a chunga court judgement khi sawi buai (appeal) ṭul a ti lo va, amaherawhchu lui tarlante leh a kam vel humhalh a ṭulna avangin executive order hmanga humhalhna thupek chhuah erawh ṭul a ti a ni.
Chuvangin, Mizoram Governor chuan lui tarlante leh chu'ng luikam tuak meter 800 huam chhung chu 'Restricted Area' atan a puang a. He restricted areas hi State sorkar ta a ni a, hemi huam chhungah hian sorkar phalna lo chuan eng hmalakna mah tih phal a ni lo. Amaherawhchu, Council Reserved Areas chhunga Notification dated 28.01.1965 anga thil lo tih tawh; Gauhati High Court, Aizawl Bench in (27/01/2021 notification) a ṭhiah hmaa thil lo tih tawh leh hma lo lak tawhnate erawh chu a nih ang anga pawm theih a ni ang.
Mizoram Governor chuan a hnuaia mi ang hian competent authorities te chu Government of Mizoram (Allocation of Business) Rules, 2019 angin thuneihna a pein restricted areas chhungah hetiang thilah te hian hma la thei turin thuneihna a pe:
1. Section 43 of the Mizoram (Land Revenue) Act, 2013, leh Provison to Rule 25 (4) of the Mizoram (Land Revenue) Rules, 2013 as amended in a sawi anga competent authority-in phalna a pek tawhte chu tih nun leh (renew) theih a ni.
2. The Mizoram (Prevention of Government Land Encroachment) Act, 2001 as amended angin Restricted Areas chhunga dan lova lut/kutthlakte chu hnawhchhuah tur an ni.
3. Eizawnna leh thil pawimawh dang atana restricted area chhunga ram luah awmte chu thuneitute'n enfiahin lui dung leh a chhehvel environment tana pawi thei thil a nih chuan cancel-sak tur a ni ang.
4. Chenna atan ram luahte chu vantlang ta etc pawh ni se, dan ang taka neih a nih loh chuan chhuahtir tur an ni ang. Chu ram chu lui leh a kam vel environment tichhetu an ni lo ngei tih hriatchian a nih loh chuan.
5. Mizoram sorkarin heng; acts, rules, regulations & guidelines a siam chhunga mihring chenna In, sumdawnna, thil siamna, vantlang hmun emaw vantlang tana ṭangkai thila hmante chu a pangngaiin kalpui zel a ni ang. Sorkarin dan thar a siam vanga tihtawp ngai a nih hran loh chuan, tiin Mizoram sorkar lehkha No. B.11011/1/2021-GAD : Aizawl, the 14th April, 2021 chuan a tarlang a ni.
HLAUHTHAWNAWM A AWM THEI EM?
Dan ṭha awm taka lang zingah hian thu kam hnih khat lek tihsual palh/tihluih awm thei hian pawi thui tak a sawi thei ṭhin. Mizoram Governor-in competent authorities te thuneihna a pek serial No 1 hi a ṭha lo hlein a lang. Tuirial Hydel Project compensation cliam-tu Mizoram sorkar hnuaia periodic patta leh pass dang lo nei tawhte tan chance a siamsak leh tihna a ni thei ang. Point thumna tawp lama "environment tana pawi thei thil a nih chuan" tih hian huan lo ram an lo pek tawhte khan environment an tih chhiat lem loh chuan an pass an renew thei dawn tih a kawk thei a, compensation pawh an claim leh thei dawn tihna a lo ni ang. Point no 4 pawh hi uluk taka enchian a ngai a. Dwelling leh public purpose atana luah chauh regularise theih loh niin a lang a. Huan leh lo atana hman, tuna compesation claim-tute ram erawh chu, indirect takin regularise theih a ni tihnaah a ngaih theih bawk ang a, compensation pek an ngai dawn tihna a nih hmel bawk.
Riverine reserve forest chhungah periodic patta, land lease, LSC etc pek phal a ni lo va. Chutih laiin dan kalhin mi eng emaw zat hnenah periodic patta etc pek ṭhin niin a lang a. Heng dan lova pekte hi ram pe theitu 'competent authority' te pek pawh a awm a nih hmel a. Competent authority pawh ni se, dan phal loh leh procedure pawh zawm lova tih chu 'null and void' a ni hrim hrim. Mahse, Mizoramah chuan thil hi kan enchik peih lo hle mai a, dan kalha thil tih pawh cancel lovin kan regularise zel ṭhin niin a lang bawk.
TUIRIAL HYDEL PROJECT COMPENSATION NGIATTUTE HLAWHTLING TA SE
Tuirial Hydel Project compensation claim-tute hi thuneitu lam hian an dang dawn lo tih a chiang a. Zangnadawmna hi vaibelchhe 70-100 vel pek chhuah a ngai hial ang. Tun kan dinhmunah, centrally sponsored scheme atana central-in share a rawn release ṭhinte pawh, sum harsatna avangin (Kan sum neih aia tam salary, pension leh sawrkar inrelbawlna atan kan hmang a) release hleih theih a ni ṭhin lo va, nasa takin project implementation pawhin a tuar ṭhin a ni. Central scheme hrang hrang lo kal thinah state tum ve tur 10% pawh pe hleithei lo hian khawia sum nge kan pek tak ang. Central hian hemi atan hian cheng khat pawh min pek pui dawn hauh si lo. Khawi aṭangin emaw loan lain compensation chu pek lo ni ta se, mipui/sorkar phurrit tur bawk a ni dawn?
Lo bih chiang zui duh kan awm takin Mizoram sorkar notification hi ka rawn dah tel e -
No. B.11011/1/2021-GAD
GOVERNMENT OF MIZORAM
GENERAL ADMINISTRATION DEPARTMENT
MIZORAM SECRETARIAT : MIZORAM NEW CAPITAL COMPLEX (MINECO)
*
NOTIFICATION
Aizawl, the 14th April, 2021
WHEREAS, the Gauhati High Court, Aizawl Bench in its Judgment and Order dated 27th January, 2021 in WP (C) 45 of 2017, WP (C) 51 of 2017, WP (C) 130 of 2013, WP (C) 131 of
2013, WP (C) 132 of 2013, WP(C) 135 of 2013, WP (C) 16 of 2013, WP (C) 116 of 2013, WP (C) 117 of 2013 and WP (C) 118 of 2013 had set aside and quashed the notification dated 28.01.1965 made under Section 14 read with Section 21 of The Mizo District (Forest) Act, 1955 published in the Assam Gazette which had declared forests located within half a mile on either side of the following rivers to be a Council Reserved Forest:
1. Tlawng, (Doleswari)
2. Tut, (Gutur)
3. Teirei, (Pakwa)
4. Langkaih, (Longai)
5. Chemlui
6. Serlui
7. Tuivai
8. Tuivawl
9. Tuirini
10. Tuirial
11. Tuiruang
12. Khawthlangtuipui (Karnaphuli)
13. Tuichawng
14. Kau
15. De
16. Phairuang
AND WHEREAS, the Government of Mizoram preferred not to file an appeal to challenge the said Judgment and Order, but considered the necessity to issue executive order for protection and preservation of the said rivers and their banks.
OW THEREFORE, the Governor of Mizoram is pleased to declare the said rivers with its banks up to 800 meters from the middle of the river on both sides of the river as 'Restricted Area.' All the rights within the restricted areas shall vest in the State Government and no development or activities will be allowed within the restricted areas without prior approval of the Government of Mizoram. Any actions done within the said Council Reserved Areas in accordance with Notification dated 28.01.1965 before it was set aside by the Gauhati High Court, Aizawl Bench vide its Judgment and Order dated 27/01/2021 shall be considered valid and bonafide exercise of authority.
The Governor of Mizoram is further pleased to authorise certain competent authorities under the Government of Mizoram (Allocation of Business) Rules, 2019 to take action within the restricted areas in the following cases:
1. The Passes already issued with the approval of competent authority are allowed for renewal subject to the fulfilment of the provision of section 43 of the Mizoram (Land Revenue) Act, 2013, read with the Proviso to Rule 25 (4) of the Mizoram (Land Revenue) Rules, 2013 as amended from time to time.
2. Encroacher within the declared Restricted Areas shall be evicted in accordance with the provisions of the Mizoram (Prevention of Government Land Encroachment) Act, 2001 as amended from time to time.
3. Land occupied for dwelling and other purposes within the declared restricted area shall be verified and cancelled by the Competent Authority if it is found that the occupancy poses any threat to the preservation of the environment and rivers.
4. The land occupied for dwelling, for public purpose etc. without lawful rights/ title within the Restricted Areas shall not be considered for regularization and liable to be evicted unless it is verified the occupied area does not pose any threat to the preservation of environment and rivers.
5. All other activities and uses, residential, commercial, industrial, social and other public purposes undertaken in the interest of the public by different Departments under the Government of Mizoram for purpose of enforcement of certain acts/rules/regulations/guidelines in the said riverine restricted areas shall continue to be in force unless repealed by the Government.
This order will take effect from the date of issue in the Mizoram Gazette.
Sd/- J.C. Ramthanga
Addl. Chief Secretary to
the Govt. of Mizoram
General Administration Department.
Memo No. B.11011/1/2021-GAD : Aizawl,
the 14th April, 2021
Copy to :
1. Secretary to Governor of Mizoram
2. P.S to Hon’ble Chief Minister, Mizoram
3. P.S to Speaker/ Ministers/ Deputy Speaker/ Ministers of State/ Govt. Deputy Chief Whip/
Vice-Chairman, State Planning Board/all Vice-Chairman, SEDP Board.
4. Sr. P.P.S to Chief Secretary, Govt. of Mizoram
5. P.P.S to Addl. Chief Secretary, Govt. of Mizoram
6. All Principal Secretaries/ Commissioner/Secretaries, Govt. of Mizoram
7. Secretary, MLA/MPSC/ MSIC/MSCPCR/Lok Ayukta
8. All Heads of Departments, Govt. of Mizoram
9. All Deputy Commissioners, Govt. of Mizoram
10. Chief Controller of Accounts, Accounts & Treasuries, Mizoram.
11. Controller of Printing & Stationeries, Mizoram with 6(six) spare copies for publication in Mizoram Gazette Extra Ordinary.
12. Guard File.
(S.T. LALVENSANGI)
Under Secretary to the Govt. Of Mizoram
General Administration Department
- Vanneihthanga