Budget-ah dah rawh se

Pi leh pute aṭanga kan chawpui ber thar chhuaktu tlangram loneitute hian enkawltu bik department nei lovin buhthar chhuahte erawh chhinchhiah sak kan ni ve hram a. Rua/Mau leh chakai pawh kan tluk lo anih hi maw. Kawngdang zawh tur kan nei si lova, Pathianin a en a ṭha a tih em em te chu lovah, lohal avangin a tawrawt thei ang berin kan sawisa a kan leilung (Mother Earth) hi ṭawngthei sela, "ana êm mai" a ti vawng vawng ang. Kristian tih chi a nilo e. Pu Harold Wilson, Asia Rural Development hotupa chuan kan ram leilung enkawl dan (Shifting Cultivation) a hmuh khan, "Chamrei tum lo in ang" min lo ti hial zu nia.

Buhtuh hun alo in herchhuak leh ta maw. Tlan paha buhtuh lovin buhbi (buhkhur) siam ila. Tlangvalin bawngtuthlawh hmangin lei chek phut ila buhbi ah Lawmnu in buhbi inch.2 danah rem tawh mai sela. A lo tawi anga, a zakzeh a awm lovang. Khuanun mal a sawm anga, a letza, sawmruk(60) sawmthum(30) in buhthar a hlawk dawn ani. Thlai bawkbawn, hmarcha etc. pawh a khur ah ngei chin nise.

Leiṭha khur (Compost Pit) a khat tawkin siam ni se, hlothlawhna leh buhpâwl te dah ṭheuh nise. Buhseng zawhah a khur ngaiah bekang etc. chinzui nisela.

Lovah, lohal titawpin kumtin thlamsak, mangkhawh thathlawn sen a reh ang. Ramngaw, ramvah, tuihna, soil conservation humhalhna awm chhun chu Mizo Culture nen inmil Mizo method hi a ni e.

Miṭhahnem ngai, Pu Bualhranga, Pu P. Lalupa, Upa Rothangliana ten an ramah mite entawn turin hma an la mek a, a va ropui tak em!

Tlangram loneitute chhanchhuah nan Sawrkarin Budgetah dah ve tawh se.