ZPM-IN SYMBOL KAN THLAK SEK LO (Symbol kan la nei lo zawk a ni)

ZPM-in AMC-a sym­bol atana 'Ni chhuak lai lem' kan hmang tur chu helhtu leh ertu kan ngah hle mai. ZPM hi registered party chauh kan la nih avangin symbol kan la nei thei lo, Election Commission-in free symbol an dah zinga kan duh ber kan reserve tir thei chauh. 

ZPM-in a tira kan duh ber chu khum­beu a ni a, Election Commi­sssion of India (ECI)-in free symbol-ah Mizo thil Khumbeu an neih loh avangin ECI free symbol zinga mi Lukhumparh kha khumbeu nen a in an deuh ber avangin 2018 election khan kan hmang mai a ni. 

Tichuan, VC/LC election-ah khan Mizoram State Elec­tion Commission (SEC) chuan Lu­khumparh chu free symbol-ah a dah tel ta lo tlat a, Khumbeu an rawn dah thung a. A tira kan duh zawk Khumbeu chu kan hmang ta hlauh a. AMC election dawnah SEC chuan an free symbol-ah Khumbeu leh Lukhumparh chu an rawn dah lo leh ta tlat a ni. 

ZPM chuan Khumbeu dah turin SEC-ah ngenna kan thlen a, SEC chuan, "Keini tih theih a ni lo, UD&PA tih tur a ni" tiin UD&PA-ah an refer a. UD&PA lamin, "Keini tih tur a ni lo, GAD lam tih tur a ni" tiin an beng per leh a. Tichuan GAD chuan Cabinet approve turin file an kaltir a, Cabinet chuan "A chawpchilh tawh, ngaihtuahna hun kan nei lo" tiin ZPM-in khumbeu hman kan tum chu min block leh ta a ni. 

Tichuan, Lukhum­parh leh Khumbeu kan hman theih tak loh avangin kan beisei miah loh, tlang kara ni chhuak chu SEC-in free symbol-ah an lo dah hlauh avangin kan chang ta nawlh mai a ni. Hetiang hian ZPM-in AMC elec­tion-a symbol atana Khumbeu kan hman tum kha harsatna awm lo se chu khumbeu hmang mai âwm asin... 

Tum loh lamah 'tlang kara ni chhuak' kan hmang dawn ta daih mai. Arsi dawta ni chhuak tur hi a ni mahna. Pathian thil rel danhi a va mak em!