SAVAWM NÊNA IN BEIHNA

Hei chu MUP lam chan. Tawnhriat huangah dah chi a nih hi, kan ti a nih pawhin, a âwm lo lem lo ve. Eng tik kum chiah kha nge ka hre chiang ta lo, Mizo Tlangval huaisen, tiin M.U.P Tlangâu-ah tu rawn dah nge nih pawh ka hre lo, anlo chhuah tawh a, khual thuthang leh ar pan chuk a pun tual tual an lo tih ang maiin, ka duh aiin, an uar mah mahin ka hria a, thu dik hrulah in fakna uk chuak tak hriat hi thu dik tak hretu tân a nuam chuang hauh lova, thu dik tak zawk hi ka dah ve mai loh chuan, ka nihna ni lo thleng thlenga ka chanchin miten an sawi hi ṭha ka ti lo va, tun hnu thleng mai a, zawhna kala dâwn zel takah chuan, thu dik tak zawk chu hei hi a ni.

Kum 2028, Augus 7, ni khan Rawnal tuai khawrhin Siaha ram, Chhimtuipui fintu, Tuisunpuilui a ṭanga peng lehin, Lâwnlunglui hnarah ka kal a, Rawnaltuai awmna hi SIH kamte a ni a, He mi ni hian ruah a sur ni leng a ni, Rawnaltuai ka kuai tliak a, a chhak lawkah Savawm Ṭhi awrh chi alo awm chu niin, Ka dinna hi awizet mai a ni a, savawm nên hian hlap thum velin kanin hlat a ni, min rawn hmu a, ain hrôsa nasa mai a, a hâwk dûm dûm a, ka iptepui ka dah a, ka chemte zum, Tawng chen vel a sei chu nghet takin ka hum a, iva han chak dawn rua lo em, ka ti rilru a, min rawn zuan hun hunah kalo sade ang a, ka vit let tawp ang mawle ka ti a, a mah ringawt ka en a, ka rahna tûr lam kalo en fel lova, ka kê veilam rahna a tawlh hlauh mai a, hmalama ka bawk ti tih a, ka din mar hma siin, hei nang kha loin ring rawh tiin,(Warning) pawh min pe miah lovin min rawnbawh a, kan tawlhthla dun hawl hawl mai a ni. Rawnal hungah kan tanga, kei Rawnal ṭangte chuan, ka chet a ti khâwr hle laiin, ani lah chuan Rawnal ṭang mai maite chuan, a chet ti ba hlah hlek hek lo le, a kut vên a ngai a, min seh tûr a kâ vên ngai bawk, in daih loh a na hle ana ngei mai.

Ka puma a seh tûr ka kut veilamin kalo dang a, a kâ ah ka zen palh hlauh mai a, ka kutbawr hi a seh sawp nghal a, ka theih tawpin ka nam a, ka ding chhuak tûr ka hmui a ṭangin min hap chho a, ka hmai leh hnar hrut chhoin, ka mit leh lu-ah min seh a, a ri rup mai ni, lu ruh hi alo chang khawp mai, ka din chhuah rualin min rawn seh leh tûr a kâ chhungah ka vit bûr mai chu, a rak nasa ngei mai, a rem remnaah ka vit a, a hnu deuhah chuan, a peih tawh lo nge,a kâ chhung ka vihna kha, na a ti ve hle a ni ta ve ang. lehlam a hawi a, a kâ a âng vak vak a, min beih zai a rel ta vak bik lo va, kei pawh ka hnar a bunga, ka hmai a thler chho vek a, kaluvun a rawn uaithla a, ka mit a rawn chhuak pûr mai bawk si a, thisen ka hlauh nasa bawk nên, nang i hmunah kei ka hmuna tiin, ka iptepui ka la a, a sir deuhah helin, Lâwlungluiah ka chhuk san a, Tichuan, Tuisunpuilui (MAT lui tiat vel a ni ang) ka pawh thlaa, ka hanin dap a, Mit pakhat chauh ka nei tawh a, ka hnar hi ka dap hmu lo va, ka kutbawr a tliak bawk si a, lo dam chhuak pawh ni ila, mite nuih zat leh en dawng mai ka ni tawh dawn si a, tiin, dam thlak hlelhna reng ka nei tawh lo va, ka tui pai hi in vak i la, kain, în hlum mai teh ang ka ti rilruk laiin, Bawngkawn Pastor bial zaipawlin,

Khawvel chhuahsan ka duh laiin,

Ka LALPA thu a lo thleng ta.,

Ka mite Damna tûrin

Khawvel hreawm hi i ta min ti.

Tih thu hi ka thinlungah chiang takin a rawn lang a, Lawm a vangin, ka mit pakhat a ṭangin, dan rual lohin mittui a rawn luang zung zung mai a ni. Vawi sawmpathum Asia Gang ho kut thlak ka lo tuar ve tawh a, vawikhat mah natnah vangin ka mittui ala far ngai lo, mah se, Lalpan min hum himna ka chân leh hriat meuh chuan, ka mittui ka dangzo lo ani ber mai, ti chuan, tuipui Nû phut mai chu, mipangai tâna dai chi miah loh chu vawisarih ka hleuh kai a ni, (Tui hi ka thiam ve tawkin ka hria) hei hi ka kal lama tlang kawnga ka haw dawn chuan, ka thleng zo dawn lova ka hriat vang a ni. ka vânduaina tawh a vanga lawmthu sawina tûr ka ngah hle mai, a sei lutuk dawn bawk si a, Falkawnah hian vawili min zai tawh a, zai hmabakin kala awm mek a ni. Doctor. Pu A fala te, Dr, Pu Makima, Dr, Nl Lalremruati, Dr,Pu Josepa, Dr, Mahruaii-te chungah thinlung takin lawmthu ka sawi e. Famkim lo takin, ka rek bung mai a nge aw.

- Zothansanga, Chhiahtlang Kawn Veng, 9612333536