Kan nun hluite hi kan la thlir let ang

Hnamdangin an neih ve loh, Châp hal hnuah, Châp chârkut hmang ṭhin Zofate hian, Kan sulhnute hi kan lung awipui zo chiah em? Midang dik tura kan beisei lai hian, keimahni hi kan dik em? Dikna hi thup bo hlen theih ni lova, dik lo taka thil tih pawh thupbo hlen theih a ni hek lo, Chak lohnaa thuâm, tlin lohna hrang hrang nei ṭheuh hringfate zingah hian, mize in thup reng rengin hring nun kan hmang a, ṭhenkhat chu duhâm luata kan hma huna kan mualpho lehna tûr reng kan hmu phak lo va, kan bawh buân buâna, ṭan fung nei lo dap khawmin kan thil lo tih dik loh thupbo tumin, patling, nutling kan tal hnawk nuaih mai zawng a nih hi.

Kum kha leh chen Ram lo hruai tawh tute khan, Kan Ramin a mamawh kawngpui ṭha neih anlo in tiam tawh a, kawngpui ṭha erawh an siam hlei lova, a siamṭha mek tu Sorkhar an sawi sel leh si ang velin, mi dang thil ṭha tih lawmpui thei miah lo nun hi a re theih thlak hian ka ring ṭhin. Fak tlak hi chu fak mai thei nun hi minun tluang an ni ṭhin, Tun ṭum Budget session zet chu le, in sawi fiahna session,ani hawt a lawm le, ṭhenkhat zahna chang hre tân chuan, khuk ral rem remna tham zet ni e, patling theih palingkawha ṭan khawh, an hai chhuah sak leh tak site kha aw, ka hmul thi alo ding sung sung thei nia, Opposition Ram hmangaih inti si, dawta ṭang tlat duh, Ram hruaitu kan nei hi a hnam zawng pawhin a mualpho thlak mange aw, Dawt hian amaha ding tûrin Kê a nei lova, dawt dang a ngai leh ṭhin. Tih thudik a lang chiang hle a ni.

Kan nun hluite kha.

Kêa ka kal ṭhin lai chuan, Motor khalhtu Driverte hi ka dem ṭhin a, Motor ka han nei ve a, Kêa kalte ka hrawk leh thung si. Dawrkaitute hi hlep tam tum leh duham tak ni hian ka hmu a, Dawr ka han kai ve a, Tumah ka hniam phal leh si lo, Sa sahna dawrahte ka kal a, Buk dik.lo an lek ka hmuhin Kristian Rama tân chuan ava ṭha lo em aw, kati vawng vawng a, ka rilruin ka dem a, mahse, ka Ran vulh ka ser ve a, buk dik lek turin ka huaisen zo tawk si lo, Kan Politiciate suk thlek ka thlirin duh khawp lohnain ka khata, mahni ṭanghma hai tak, Therhlo beisei leh Mahni hlawkna chauh um ṭhin niin ka hmu a, Politict ka luh chilh ve a, Therhlo laka fihlim a hnekin ka ni tin hna chu Party Officeah ka mawng ka hung thlan dup reng lawi si a, Hui ham, Krista nun ṭawmpui thei lo hring nun hian engmah hi a lung awipui zo ve. tute nge sorkhar ṭha chu ni ang le? Ham ṭhatna kan chân theihna sorkhar hi em ni Sorkhar ṭha kan tih chu? Nge ni, Sem policy Sorkhar ,,, mizo hnam taima ni ṭhin kha, kan lova that chhe ta em êm ve, Sem policy khan ṭhut hmunah ei kan zawng a, Minister hmel hriat nih duh reng rengin kan hun hlu zawng zawng kan hmang ral a, engnge maw zawng kan dawng ta ngei a, chhungkaw din chhuahna tlak ni mawlh hek lo, eitu kan dam a, kan ei ral zel a, Party Office kan kâl tluk tluk laiin, engngah mah kan ngaih loh ten hna an thawk a, min tlan pel zut zut ta a nih hi maw, Minister hmel hriat nei ṭhapa harh rawh, Party officeah i mut thluk duar duar chhungin pachhiatnain a nang ching ang che nga, ding chhuak leh tûrin kum tam i beih a ngai dawn a sin. Tho la ding ta che, i hmaah malsâwmna awm chu hmu turin taimak chhuah rawh. Hunin tumah a nghak lova, a ni telin kan dam chhungni hi a kiam zel a sin, vawina minung , naktukah ruang ni mai thei vek kan nih hi.

Kan nun hluite hian hlim takin min nuih tir thei em?

Theih nise hlim laini leh vânglainite kha kan liam tir bik lo tûr, Tuai thara din ṭhat leh theih a ni tawh si lo. Tiin, chal dawmin,

kAN NUN HLUITE HI KANLA THLIR LET ANG.

- Zothansanga, Chhiahtlang Kawn veng. 9612333536.