Quantum Particle-Wave Duality (Thihna hriat fiah lehzualna)

"Tin, Lalpa Pathianin leia vaivutin mihring a siam a, a hnarah nunna thaw chu a thaw lut a; tichuan, mihring chu mi nung a lo ni ta a," Genesis 2:7.

Quantum khawvelah chuan thil hmuh theih zawng zawng hian awm dan chi hnih an nei kawp vek a. Thil them te (particle) leh tuifawn anga chetna (wave). Lung (stone), particle awm khawm hi kan hmu thei a, kan khawih thei bawk. Dilah lung chu vawm lut la, tui a tihfawn chu awmna bik nei lovin a insem darh a. Tuifawn chu i hmuin i khawih thei a, a tifawntu thahrui erawh i hmuin i khawih thei lo.

Werner Heisenberg-a chuan, "Thil a awmna leh a chet nasat zawng dik tak a rualin a teh kawp theih loh," a ti. Thil chu a tak a len pauh leh tuifawn ang nihna chu a lang tlem ve zel.

Mihring hi thihna hneha tholeh Isua Krista chuan nunna petu Pathian nen kan frequency herh milin min thlun zawm a. Kan taksa hi a len em avangin kan inthlunzawmna chu hriat fiah a la har deuh a ni. Kan taksa hi leia phum a nih hunah tuifawn ang nihna chu lo lang fiah zawkin, Pathian nen kan inthlunzawm dan pawh a fiah tawh zawk dawn a ni.

Chuvangin thihna hi 'hriat fiah lehzualna, nun lehzualna' kan ti thei awm e.

Tholeh taksa chu van thengreng pharh duaia kua, engmah awm theih lohna, mahse engkim tlak luh bona hmun, "black hole" zir chianna hian a la sawi fiah thei mahna.

"Chuti chauh pawh a ni lo va, inremna tuna min hmuhtirtu, kan Lalpa Isua Krista avang chuan kan lawm bawk a ni," Rom 5:11.

- Dr. R Lianhnuna