PETROL LEH DIESEL CESS HMUH ZAT LEH HMANNA ATANA DAHNA (Assembly Session 2026 Special)
Petrol leh Diesel aṭanga Road Infrastructure Cess Mizoram sorkarin a lak atanga sum a hmuh zat chu nikum (2025) December thla thleng khan a vaiin ₹ vaibelchhe 46, nuai 68, sing 7 sang 2 leh 326 a tling.
Road Infrastructure Cess 2024-25:
LoP Pu Lalchhandama Ralte, MNF zawhna Chief Minister Pu Lalduhoma, (Finance) chuan ziaka a chhan danin 2024-25 FY kum chhung (October 2024 leh March 2025 inkar) a Road Infrastructure Cess atanga sum hmuh zat chu cheng vaibelchhe 13, nuai 25, sing 1, sang 2 leh 578 a ni.
Road Infrastructure Cess 2025-26:
Kum 2025-26 FY kum (April 2025 leh December 2025) chhunga hmuh tawh zat chu cheng vaibelchhe 33, nuai 43, sing 5, sang 9 leh 748 a ni.
Road Fund atan ₹ vbc. 15 dah:
Finance Minister Pu Lalduhoma chuan Road Maintenance Cess aṭanga sum hmuh aṭang hian ₹ vbc. 15 chu 2025- 2026 FY kum kal lai mekah hian Mizoram State Road Fund Board hnuaia kawng siam na'n dah a nih thu a sawi.
Mizoram State Road Fund Board kut a nih avangin a hmanna kimchang hi Finance Department-in record a nei lo a ni, a ti.
Social Infrastructure and Services Cess atana sum hmeh leh hmanna:
Mizoram sorkarin Petrol leh Diesel atang tho a Social Infrastructure and Services Cess a lak atanga sum hmuh zawng zawng chu nikum December thla thleng khan cheng vaibelchhe 46, nuai 68, sing 7 sang 2 leh 326 tho a ni.
Health Dept.:
He ta sum tling khawm hi department hrang hrang 5 hnenah sem chhuah a ni a. Health & Family Welfare department hnenah hriselna ruhrel tihchangtlunna atan cheng vaibelchhe 3 pek a ni.
Social Welfare:
Social Welfare department hnenah Hulhliap (short stay) senso atan cheng vaibelchhe 1 leh nuai 50 bakah vantlang hnathawhna atana pawimawh senso hrang hrang atan cheng nuai 75 pek a ni.
Education etc.:
Women & Child Development hnenah cheng nuai 75 pek a nih bakah Higher & Technical Education department leh School Education department hnenah cheng vaibelchhe khat leh nuai 50 ve ve pek a ni bawk.
- Zoa Tlau