Mizorama Scheduled Tribe-te hi
The North-Eastern Areas (Re-organisation) Act, 1971, Fifth Schedule, Part II-Mizoram- ah chuan Mizoram Scheduled Tribes list a lo lang a. Hetiang hi tarlan a nih dan chu a ni.
Throughout the Union Territory:
1. Chakma
2. Dimasa (Kachari)
3. Garo
4. Hajong
5. Hmar
6. Khasi and Jaintia (including Khasi, Synten or Pnar, War, Bhoi or Lyngngam)
7. Any Kuki tribes including:
(i) Baite or Biete (xx) Kuki
(ii) Changsan (xxi) Lengthang
(iii) Chongloi (xxii) Lhangum
(iv) Doungel (xxiii) Lhoujem
(v) Gamalhou (xxiv) Lhouvun
(vi) Gangte (xxv) Lupheng
(vii) Guite (xxvi) Mangjel
(viii) Hanneng (xxvii) Missao
(ix) Haokip or Haupit (xxviii) Riang
(x) Haolai (xxix) Sairhem
(xi) Hengna (xxx) Selnam
(xii) Hongsungh (xxxi) Singson
(xiii) Hrangkhwal (xxxii) Sitllou
or Rangkhol (xiv) Jongbe
(xxxiii) Sukte (xv) Khawchung
(xxxiv) Thado (xvi) Khawathlang
(xxxv) Thangngeu or Khothalong
(xvii) Khelma (xxxvi) Uibuh
(xviii) Kholhou (xxxvii) Vaiphei
(xix) Kipgen
8. Lakher
9. Man (Tai-speaking)
10. Any Mizo (Lushai) tribes
11. Mikir
12. Any Naga tribes
13. Pawi
14. Synteng
He dan vek a, Fourth Schedule, Part XV-Meghalaya-ah chuan Meghalaya-a Scheduled tribes list a lo lang bawk a. Mizoram list nen a inang chiah mai a. Mizoram leh Meghalaya Scheduled Tribes list leh Assam Autonomous Districts Scheduled tribes list, The Scheduled Castes and Scheduled Tribes Orders (Amendment) Act, 1956-a tihlan nen chuan a inang chiah mai bawk a. The North-Eastern Areas (Re-Organisation) Act, 1971 an buatsaih lai hian Mizoram leh Meghalaya-a tlangmi awmte hi zir chiang hman lovin, an lo behna ṭhin Assam State Scheduled tribes list chu a ngai ngaiin an lachhawng tawp mai ni berin a lang.
Chuvangin, Mizoram Scheduled Tribes list hi a dik tawk lo hle niin a hriat a. A bik takin “Any Kuki tribes, including-” tiha telh hnamte hi a dik tawk lo lehzualin a lang. “Riang” hi Kuki- a telh a ni a. Anmahni chuan “Bru” an inti a. An awm tamna ber State, Tripura-ah chuan “Riang” tiin hnam hranga dah a ni a. Hetia Kuki-a teltir an nih avang hian Census-ah Mizorama Riang (Bru) awm zat hriat theih a ni lo a ni. Tripura-a Riang awm zat chu 1,88,220 a ni (2011 Census). Kum 2011 Census-a Mizorama Kuki awm zat (population) chu 45,754 a ni a. Hei hi eng emaw zat chu Riang population a nih ngei a rinawm.
Mizoram Scheduled Tribes list hi The Scheduled Castes and Scheduled Tribes Orders (Amendment) Act, 2002 hmangin tihdanglam hret a ni a, Part XVii-Mizoram, after entry 14, insert “15. Paite” tiin. Paite chu hnam hranga chuantir a ni ta a ni.
Vawiin thleng hian Manipur hi Kuki tamna state-a ngaih a ni a, Census-a a lan danah erawh chuan a ni tlat lo mai. North-Eastern state hrang hranga Kuki population chu hetiang hi a ni (2011 Census):
Assam 33,399
Manipur 28,306
Meghalaya 14,275
Mizoram 45,754
Nagaland 18,179
Tripura 10,965
Mizoram chu Kuki tamna ber a ni tlat mai a. Riang (Bru) an tel avang a ni a, a mak hran lo ve. Kum 2011 Census-a Kuki an pung hluai erawh hi chu a chhan hriat a har hle. Mizorama Kuki pun dan chu hetiang hi a ni:
1981 Census 21,065
1991 Census 31,077
2001 Census 21,040
2011 Census 45,754
Kum 1997-ah Mizoram atangin Riang (Bru) engemaw zat Tripuraah an lut thla a. Chuvang chuan kum 2001 Census-ah chuan Kuki population hi a kiam deuh niin a lang. Kum 2011 Census-a 45,754 a lo ni leh ta daih hi eng emaw chhan chu awm ngei turah ngai phawt mai ila.
Mizorama “Any Kuki Tribes” tih hi zir chian a ṭul hlein a lang. The Scheduled Castes and Scheduled Tribes Orders (Amendment) Act, 1956, Schedule III, 2 (a) sl no. 10-a “Any Mizo (Lushai) Tribes” tih chu la hman zui zel a ni a. “Lushai” tih hi hnam dang min hre chiang lo tuten, sipel dik lo takin min ziah sak a ni a, a dika ziah a hun ta hle mai. “Lushai” tih hi telh reng pawh a tul tawh em ni le? Eng nge maw tal ziah tel a ngai a nih chuan “Zo’ tih te pawh ziak tel zawk ta mai ila.
Kum 1989, May ni 1 atangin Pawi District Council chu Lai District Council ti a thlak a ni a, Lakher District Council pawh Mara district Council ti a thlak a ni bawk a. Mahse, a mi chengte hnam hming (tribe’s names) chu thlak a la ni lovin a lang a. Kum 2011 Census thlengin Pawi leh Lakher ti a ziah a la ni. Hemi chungchangah hian hma lakna kal mekte a awm a nih loh chuan, hma lak te pawh a tulin a lang tlat mai.
Engpawhnise, Mizoram Scheduled Tribes list hi zir chian a, tihdanglam tul apiang chu tidanglam tura hma lak a tha ang e.
- Sailiana Sailo