Budget 2026-27 HNA THAWH TINZAWN UNIVERSITY TOWNSHIP PANGA DIN TUM A NI
February 1, 2026 aṭanga kum thar 2026-27 Union Budget Union Finance Minister Nirmala Sitharaman-in Parliament-a a pharhah khan India ram Education-a thil thar a rawn tel a, chu chu Five University Township din tur chungchang a ni. Townships university hi thil siam chhuahna lian leh bungraw thiar velna hnaiah din a ni ang (near major industrial and logistics corridors).
Townships university thar hian a tum chu zirna leh thil siam chhuahna hnai zawka thlunzawm a, chumi hmuna hna thawh leh ngaihtuahna thar zirlaite thinlunga tuh chu a tum a ni.
Central sawrkar tum dan chuan Township University thar din tur hian central & state sawrkar an thawk dun ang. State sawrkar chuan he university dinna tur hian a hmun leh hma ngaihtuah leh in sak leh hmasawnna ruhrel tihchangtlun kawngah Central a ṭanpui ang (building universities, developing infrastructure and providing necessary facilities). Hei hian thiamna tharlam leh rintlak a chhehvela chengte chhawr ṭangkai leh sum leh pai thawh chhuah kawnga ṭanpui leh thawk hlawk nghal thei tur din chu a tum a ni.
Heng university township te hi zirlaite ṭangkaipui tur thiamna thar lam ber berte nen changtlung taka thuam a ni ang. Hmun hrang hrang aṭanga zirlaite tan chenna tur veng lian tham tak (township) din a ni ang, chumi avang chuan he university-a zir turte tan chenna tur in ngaihtuah kawngah harsatna a awm tur a ni lo.
New University Township hi a nihna takah chuan zirna tluang pangngai ai mahin hna thawhna lam hawi (skill training facilities) a hawiin, an zir chhuah tur thiamna lam pawhin chu lam chu a tinzawn nghal ber tih Finance Minister-in Union Budget sawi hawnnaah khan a rawn sawi a, thiam thil zirna hmun (skill centers) nen heng university thar tur hi thuam a ni ang a, zirlaite chuan thiamna pangngai (academic education) bakah a taka hna thawh thiamna (practical training) ṭha tak nei kawp nghal tur a ni. University township ah hian–high-tech labs, modern colleges, research centers and innovation hubs te chu zirlaiten engtik lai pawha an hman ṭangkai turin chhawp a ni ang. Zirlai leh zir bing mite (students and researchers) te ṭangkaipui tur thil ṭha tinrêng (advanced technology and better facilities) chhawp vek a ni ang a, heng hian an zir bingna kawngah leh thil thar ngaihtuahna atan thui takin a pui bawk ang.
Hemi chungchanga Sawrkarin a tum chu University dangte ang bawka degree hmuhna mai ni loin, he university aṭanga zir chhuakte chu mahnia hna thawka ding chhuak tura inpeih (making students industry-ready) thlap tura thiamna pangngai piah lama chher hriam tel nghal a ni. Heng university townships thar pangate hian zir dan ze danglam leh thar an rawn a rawn thlen ang a, hemi avanga ngaihtuahna thar leh mi dangte tan hna thawh tur kawng pawh an hawnsak thei ngei ang.
Finance Minister hian National Institute of Design (NID) thar eastern India a din a nih tur thu pawh Budget sawi hawnnaah hian a sawi nghal a. Hei hian a tum chu India khawchhak lamah hian world class design education, creative thinking & innovation din a ni ang.
Source: Indiabudget.gov.in
~ Huna Kawlvawm