Japanese anime leh a nghawng
Japanese anime hi Japan-ah kum zabi 20 hunlai vel khan a bulṭan a lo ni daih tawh a, an artist-te khan Western animation technique hmangin an lo siam tawh a ni. Animated film hmasa ber pawl nia hriat zingah Namakura Gatana (The Dull Sword) chu kum 1917 khan siam a ni. Indopui pahnihna hunlai, 1930-1940 chhung khan Japan full-length animated feature hmasa ber Momotaro: Umi no Shinpei (1945) chu siam a ni.
Kum 1963-ah Astro Boy (Tetsuwan Atom), Tezuka siam chu TV series khawvel puma lar hmasa ber a ni. 1980-1990 bawr chho kha 'Golden Age of Anime' tia sawi niin, Akira, Dragon ball, Sailor Moon leh Neon Genesis Evangelion-te chuan khawvel pumah ngaihven a hlawh chho a, Mizo zingah ngei pawh tun thlenga la ngaihlu tam tak an awm a ni. Kum 2000 a lo her chhuah meuh chuan khawvel pawhin changkan lam a pan zela, tunah phei chuan Crunchyroll, Netflix leh YouTube kaltlangin mi tupawhin kan en thei tawh a ni.
Japanese anime hian khawvelah nghawng lian tak neiin, an hnam ziarang leh an ṭawng pawhin ngaihsan a hlawh phah hle. Khawvel pumah anime character hmangin cosplay-te a hluar chho a, an rimawi bakah an art style hian mipui rilru a hneh a, an ṭawng thumal, kawaii, senpai leh otaku tihte pawh Mizoram thlengin kan hre lar ta viau.
Anime film zingah 'Spirited Away' leh 'Your Name' chuan global box-office-ah record an siam zak zak thei a, 'Pokemon' leh 'Dragon Ball Z' pawh western franchise Disney leh Marvel nen an in el tawk thei viau zel. Tunhnaiah 'Demon Slayer' chuan khawvel mipui ngaihven a hlawh leh meka, North America box office-ah pawh a che ṭha thei hle. Japanese anime hian Mizo ṭhalai, naupang leh kum upa lam thleng pawhin tunhma aṭanga vawiin thleng pawhin ngaihsan a hlawh mek zel a ni.
'Demon Slayer: Mugen Train' (2020)-a tih chhuah pawh kha anime film-a hlawhtling ber niin, 'Spirited Away' chu khumin, khawvel pumah USD mtd 500 a la lut thei a ni. Demon Slayer-ah hian chhungkua inchanna lungchhiatthlak tak leh beidawn lohna lam lantir a ni a, thlirtute ngainat a hlawh phah hle. Series hian incheina, tourism leh sorkar campaign-ahte pawh nghawng thuk tak a neih phah a ni.
Sawi hmaih theih loh Jujutsu Kaisen pawh kum 2020-a tih chhuah a noh aṭangin khawvel pumah Netflix, Crunchyroll leh a dangteah entu an ṭhahnem hle. Khawvel pumah USD mtd 190 a la lut thei bawk a ni. Social media lamah ngaihven a hlawh hle a, an character-te pawh cosplay, fan art leh anime awards-ah an che ṭha hlawm hle a ni. Mizormah ngei pawh tunhnaiah chuan Demon Slayer leh Jujutsu Kaisen hian ngaihven a hlawh a, a hmuhnawm piahlamah Japasese culture hriatzauna atana pawimawh tak tak tarlan a ni fo ṭhin.
- Alphonse