Ownership and Transfer of Land
MNF in Mizo aiawha India sawrkar nen inremna thuthlung 'Memoradum of Settlement dated: 30th June, 1986' a neih pui kha ram neitu nihna leh inhlan chhawn theih dan chungchang hi sawi zau a pawimawh hlein ka hria. Memorandum of Settlement 4:3, II zul zuiin Indian Constitution Article 371 G (a) (iv) hi 53rd Constitution chuan a belh ta a. He Memorandum of Settlement ah chuan he thu hi Laldenga chuan a sign hnan 'Notwitstanding anything contained in the Constitution, no act of Parliament in respect of (d) Ownership and transfer of land, shall apply to the Sate of Mizoram unless the Legislative of Mizoram, by a resoulution so decides.
Mahse Article 371G. ah leh Memorandum of Settlement ah hian he Provision hi belh a ni tlat:
'Provided that nothing in this Clause shall apply to any Central Act in force in Mizoram immediately before the appointed day'.
MNF khan inremna an siam dawna he Clause a copy na ber Nagaland chungchang Constitution ah a ziahna Article 371A. ah chuan Nagaland tan chuan he dan chu ti hian a siam:
Article 371A.(the Constitution thirteenth ammendment) Act, 1962. 'Notwithstanding nothing in this Constitution, no Act of Parliament in respect of Ownership and Transfer of Land and its resources, shall aplly to the Sate of Nagaland, unless the Legislative Assembly of Nagaland , by a resolution, so decides' tih ani.
Nagaland State tan chuan Mizoram tana siam Article 371G a an thu belh 'Provided that nothing in this clause shall apply to any Central Act in force in Mizoram immediate before the appointed day' tih hi a awm ve lo. A awmzia berah chuan Mizoram tana kan ram leilung leh a hausakna te (Ownership and Transfer of Land and Its Resources) chungchanga a neitu kan nihna hian hemi dan an siam hma a Mizoram chhunga Central Act hman lai mek te a khawih buai thei lovin a kalh theih loh ang tih ani a mahse Nagaland tan chuan hemi thu hi belh a ni ve lo.
The Forest (Conservation) Act, 1980 (No. 69 of 1980), under Section 2, chuan state sawrkar in forest ram forest nen a inkungkaih thil lo ah chuan Central sawrkar hnen atanga phalna a lak hmasak loh hman a khap tlat ani. Supreme Court in Writ Petition (Civil) No. 202 of 1995 a ngaihthlak hnu a thutlukna a siam ah chuan 'forest hian dictionary-a a thu awmzia chaih hi a huam lova sawrkar in forest tia a record ho zawng zawng hi a huam vek' tih ani. Khi mi Writ Petion thutlukna zul zuiin Mizoram PCCF & Secretary in Mizoram aiawha Supreme Court ah affidavit a siamna ah chuan Mizoram Sate chhungah hian forest ram chu 15835 Sq. Kms angin a chhal. Chu mi awmzia chu Mizoram 3/4 chu forest ram a ni tihna a nih chu.
Memorandum of Settlement ah khan Central sawrkar in Peace Accord Mizoram-a a hman lai mek te a kalh theiin a thai bo thei lovang tih ani si a mahse Central Act chuan forest area zawng zawngah Central sawrkar thuneihna a pe vek bawk si a Pu Laldenga khan MNF aiawhin Mizoram hmun li a thena hmun thum chu Central sawrkar hnenah a Chief Minister nih a chak lutuk avangin Mizoram a hralh a nih chu!
- Lalhruaitluanga Bawitlung