Hmelhriat nei

Kan system (kalphung) hmanah hian eng administration pawh ni se, mipui kan phun luai luai ṭhinna hian kawng tam takin hmasawnna a thlen tih chu hai rual a ni lo vang. Phun luai luai tih rehna ṭha tak chu tehfung mumal tak (famkim tihna ni lovin) neih a ni leh mai. Chu chu administrator tana thil harsa leh uluk ngai lai ber chu a ni.

Khawi office-ah emaw buaipui tur kan nei a, hmelhriat nei leh nei lo karah thil tih a inawlsam hleih ṭhin lai tak hi kan phun tamna ber a ni fo.

He'ng avang tak hian tute pawh ni se, inang tlang tura (emergency case erawh chu kan inhre thiam tlang ṭhin) kalpui a, rang leh a awlsam thei ang ber hi kan mamawh chu a ni phawt mai.

Hna dilna kawngah pawh hei tho hi a ni kan mamawh ṭhin chu. Chhungte leh hmelhriat hnaivai kan han insawihmuh a, chumi te hmang chuan thil tih a han awlsam zawk thei tlat lai tak hi kan buai fona inṭanna lai chu a ni.

He'ng hi ni tina kan hmachhawn leh kan intawn chhâwk ṭhin a ni a. Mi tam takin 'dâwt sawi' bul ṭan nan kan hmang a. Mi rinawm leh tlawmngai apiangin an tuar miau avangin mi rinawm, mi dik, mi fel leh mi ṭha nih reng a harsa a. Mi tlawmngai in nih chhâwk kan chîn loh phei chuan nih tur ang ni pha lo huanga awm ta hi tam tak awm phahna tur a ni tlat a ni.

System awm sa zawh lova sawipui ngai, dilpui ngai nih hi chu dik lohna bul a ni. Hetiang laka inthiar fihlim tam apiang hi mi vannei, mi huaisen, mi dik kalkawnga kal an ni a; chutih lain, mi ngaihah chuan mi khirh an ni ṭhin bawk.

- Samuel Dinté