Mizo ṭawng thumal pakhat rîk dan

Vanglaini chanchinbu January 18, 2025-a chhuak 'Ziakmite tân' tih thu ziah kha a ṭhain a ngaihnawm hle mai. Mahse, tih sual palh tlemtê erawh a awm: 'at so suh' tiha 'a' chunga thlûkna kan dah dawn chuan 'â' hi ri sáng tur ni lovin, ri kuai sei 'middle (long) sound a ni zawk e. At so suh tiha 'ât' leh 'A ṭawng pàng pâng mai tiha, 'pâng' hnuhnung zawka 'a' hi a rik dan chu a inang chiah zawk a ni (Ref: RZC's ZoPhonbol in Mizo Ṭawng Thumal Thar by ZOPPEN CLUB (Prof. Laltluangliana Khiangte et al) & JT's BritAm Mizo-English Dictionaries). 'At so suh' tiha 'a' chunga thai chhoh (á) kan dah chuan ri sang sei (sáng) a ni a, 'Vanglaini' tih thu mal syllable pahnihna 'lai' tiha 'a' rik dan (lái) nen hian a inang chiah a ni.

'Ziakmi' tih pawh hi 'Ziak mi' tia inzawm lova ziah ni bawk se. He ka thu ziahah hian thu ziah a chian zawk nan, ka sawi tum takah lo chuan thlukna ka dah lo vek a, chhiartute’n in lo hre thiam mai dawn nia.

- Dr J.T.Vanlalngheta