CENTRAL CIVIL SERVICES BAWK (Record rintlak Mizo tan)

Ka han tuihnih duh kher chhan chu: Prof. JV Hluna ka ngenna ngai pawimawha kumbi leh hming te, tun dinhmun thlenga rawn phochhuaktu ka fak duh a ni. Ani hi lehkhabu ṭha tak tak ziak tawh, Assembly House-ah kum 5 lai ṭhu dun kan ni a; FLAM (ex-ho) Vice President ni lai mek a ni.

Ka duh a la kim thei lo! Hranghlui chhuanawm Lalhmingliana leh Lalbiakthanga te, CL Rema te IAS list-ah an seniority nen a lang kim lo. Ka hriat chian loh chin awmte avangin, a chiang bal ka duh a ni. Chu bakah, IAS-a lut, Emergency Commission sipai officer chhuanawm tak takte fiah tawkin an la lang lo. Rualzakhuma te, Lalhmingthanga Colney te, B Kapṭhuama te.

Mi tam takin nêp zawk veka kan ngaih (palh?) fo mai, State Civil Service (MCS) aṭanga lutte tarlan tel a la ni lo tlat. Intihsiakna leh inelna zim deuh zawk fe aṭanga lut ni mah se, hun rei tak chhunga hna pawimawh tak tak an thawh chhui chianga (screening) uluk tak maia an upat dan nen lama chhût chian dâwlte chauh lut ṭhinte an ni. Pawlawh deuha ‘confer’ tih ṭawngkamte hi a charitable lo a, sim hmak tur. Tin, non-civil service officer aṭanga lutte pawh chhuanawm tak bawk, Dr. Lalrozama leh Dr. Lalhriatzuali te la thawk lai mekte hi.

Kan sawi hmaih hauh loh tur dang a la awm. Indian Fgoresign Service (IFS) hi Prof. JV Hluna’n 14 kan nei tawh a ti a. An hmingte a rawn tarlang tel lo hlauh a, an luh kum pawh. A hmasa ber KC Lalvunga (Zikpuii Pa) ziaktu ropui ni bawk dawt thla zai zaitute kha IAS/IFS tling kawp te, an duh zawk vang ngata IFS-ah lut an ni. An hming leh luh kumte tarlan ni bawk se la.

All India service (state cadre nei) kan tihte kha–IAS, IPS leh IFS (Forest). Hei tak hi UPSC hnuaia direct competition aṭanga lut leh state service aṭanga lutte awm khawm, thawk hote an ni a. Zavai dinhmun (inter seniority) UPSC leh MHA-te ruatsak an ni. Senior inchuh an awm fo. Central Administrative Tribunal (CAT) thleng hial an awm fo bawk. Hetiang lamah hian Mizote kan khermai lo a, ṭan lak kan ngai. Hlawh leh posting a nghawng tlat si a.

Ka sawi tawk thiam loh, ka tih theih ve loh, ka chunga chuang tur ka rawn zawng e. Tu nge Zo fate tan lo chhuak dawn che u?

A pawimawh ber chu record rintlak a ni chauh lo, ṭhalai leh ṭhangthar leh zel turte in ni. In character (sum total of your personality) a pawimawh. Nu leh pa, pi leh pu te, hruaitu, zirtirtu, a tua mah an tawk lo! Nangmah kha i tawk chiah. Tichuan, in tling thar sup sup ang!

Ka lo thlir reng che u a nia.

- F. Lalremsiama, Chaltlang

Ph: 8415994340