FELFAI/FEL FAI BAWK

Tun thla May ni 24-a Rempuia R Lutmang thu ziah chungchang, PC Thang Zikpuia'n a tuk ni 25 a a rawn tuihnih, felfai/fel fai chungchangah hian an pahnih hian, Revd.Chuauṭhuama sawi tum an ṭhelh ve ve ni awm tak a ni.

Ani sawi tum ni zawka lang chu, Mizo ṭawngah hian, pi leh pute aṭanga negative chauha kan hman ṭhin ṭawngkauchheh a awm nual a; chu'ng chu a thlir daih niin a lang.

Entirna han sawi ila; 1. Ṭawmkai lo. 2. Dukdak lo. 3. Ṭuṭai lo. 4. Mumal lo. 5. Hnaisai lo 6. Chiangkuang lo. 7. Fumfe lo adt.Heng ho group zingah hian, felfai lo tih pawh hi a dah ngeiin ka ring zawk.

Mizo ṭawng duh uluk tak a ni a, kan ṭawng hian kalhmang hran a neih ve tlat hi humhalh a duh vangin felfai emaw, fel fai (verb phrase) tih lam hawi hian a clarify ka ring lo deuh.

Tun lai han ti ve khanglang ila, ṭawng thar chher chhuah ni lem lo, ṭawng dik awm sa reng hman ṭhin dan ni lova hman tak nawk nawk a awm nual awm e. Mi ṭhenkhatin, Mi tin tih mai turah 'Mimal tin', tih tlatte; lo ding se la tih mai turah, ṭhutna aṭanga ding turin an han ti kher te hi. Ṭhutthlenga lawn kher chu a... Tawk rih teh se. Subject bak ka sawi ta duah mai.

- Ch.Sanglura