Fimkhur tak siin ILP kalpui a ngai

Mizoram chu India Ram state zingah hung bik kan ni a, Inner Line Regulation (ILP) tel loin tribal lo chu duh duhin a rawn luh theih loh.

Chuvangin ILP hian min hung bik a, chimrala kan awm loh nana he ILP hi India sorkarin min pek a ni. Chutih laiin kan fimkhur a ngai hle. ILP nei tih vanga hnam dang tih thawr thawr angte hi kan tan a him ber lo.

Chutihlai chuan ILP neih vanga hnam dang, an lo luh chhan ni loa sumdawng ang chi te, mistiri tur si thil zuar ta daihte hi kan en uluk a ngai khawp mai.

Mi ṭhenkhatin vai sum hmanga sumdawng, a dawr pawh vai ta ni si, Mizo hminga register leh tlat si hi eng zat tak awm ang maw?

Hengte hi inchimralna hlauhawm tak a ni. Vai zingah Bawngsa lo sàt ta chawt chawt hmuh tur an awm ta nawk mai. Hengho hian an ILP-ah eng hna thawk tur nge tih a inziak ngei awm si a, an sa zawrhna vengte hian en uluk a ṭha khawp mai.

Muṭia tura permit nei, sum-dawng ta hmuh tur pawh an awm nual mai. Mistiri ni tura permit nei, Mizo nupui neia chawhmeh zuar pawh an awm nual bawk.

Engpawh nise, kan ILP hi langsar tak leh khuti lam mit tikham lo tawk sia kan kenkawh a /ul khawp mai. A duh duhin an check emaw a nih chuan a fel lo thei. Sorkar kut ke police te tel loa lo check ngawt a nih chuan thiam loh kan chang mai dawn a ni.

- Lalkhirhvela