BAWLHHLAWH

Bawlhhlawh leh hnawmhnawk chungchanga kan nungchang ṭha lo chuan tunah zet chuan min timangang ta hle mai maw. Bawlhhlawh leh Faina chungchanga hlawhtlinna chu rilru lam aṭanga inṭan a ni a. Chuvangin, bawlhhlawh leh faina chungchanga mangang leh rilru leh taksa hah ṭhinte chu, mi rilru dik, a faisate bawk an ni leh tho ṭhin.

He Khawvel ṭhang zela tar lam pan mek leh hun hnuhnung lamah hian, Khawvel Mihringte nun hi a lo khawlo tawh em em a, leilung leh boruakte hi a lo bawlhhlawh ta em em a ni tih chu kan hria.Nimahsela, tlangram kilkhawra awm, mihring tlem te chenna Mizoram tunhnai kum rei lo te chhunga heti em ema mihring nun khaw lo ta lutuk leh pherh lutuk, abik takin Aizawl khawpui nun leh a ram leilung thlenga bawlhhlawh chak lutuk hi eng nge a chhan? A chhungah tute nge, eng rilru pute nge khawsa tih hi kan inenfiah a hun ta lutuk a, kan inenfiah har lutuk tawh zawk a ni.

Mizoram chhunga piang leh sei lian ni lo, Mizoram, a leilung leh a mihringte hmangaihna nei lo, eng thilah mah 'Neitu' nihna rilru leh ṭhahnemngaihna leh tlawmngaihna nei lo, mi lem, a 'Suak', chawrchhuahna leh sei lennain a zir loh avanga rilru dik pu thei tawh lo, ṭawngkam lamah chuan tlawm tak leh ṭha tak anga lang, mahse, rilru lama engmah pawisak leh tih hreh nei lo, a ram leilunga awm theihna leh pawisa chauh duha pamham em em leh duham lutuk pawisak nei loten min chim nasat chak lutuk avangin heti hi kan ni ta a nih hi. Mahse, an vai chuan an ni bik lo. Mi ṭha lutuk entawntlak chu an awm ve tho.

Heng mi suak, mi dazat, (adha jat=half breed) ho ten Mizoram leh Aizawl hi awpbeh, dominate an tum nia ka ngaih chang leh, an dominate ṭan mek nia ka hriat phei hi chuan Donald Trump'an an rama pemlut tam lutukin America mawina leh, a ropuina leh chungnungna chu an tichhe mek nia a hriat avanga America-a pem luh chungchanga immigration policy khauh tak a nei leh, America chuan a ropuina leh chungnungna a neih let theih nana 'Make America great again' tih auhla a neite khu awm ka tihpuiin ka thlawp hle a ni.

Tun hma deuha Pathian Zawlnei intite leh mi hlimho, Lalzawna pawl kan tih mai tṭhinten, Mizoram tana hlauhawm leh Mizote min tichhe tur, 'Khawchhak Lungpui lo lum tur' an tih mai, an hlauh em em leh an manganpuia a pumpelh dan tur zawnga an buai viaute kha, khatih hunlai khan kan lo nuihzat mai mai a, mahse hei, tunah a tak tak a lo ni reng si a. Khawvel inher danglam zel bakah, Khawchhak lungpui lo lum chuan kawng tinrengah Mizote chu chak takin min tichhe mek a nih tak hi.

Nimahsela, Khawvelah hian Mihring tuate mah hi inthlauhthla thei kan awm lo va, Mihring kan nihna zawn ṭheuhah hian kan duh leh mamawh chu a inang vek si a. Kan rilru put hmang tih chauh lo chu. Keini Mizorama Original Kristian leh Original Mizote phei hi chuan tu pawh kan khawngaihin kan hmangaih thei zel a. Chu chuan keimahni lu chunga vaivut vawr ang maiin, kan khawngaihte avang chuan keimahniin kan tuar ta a ni. Nimahsela, chu chu Isua hnung kan zuina leh amah kan anna, Original Kristian leh Original Mizo kan nihna ropui tak lanchhuahna chu a ni reng a ni. Chu chu miten an hmuin an hre tur a ni a, inenfiah nan leh sim nan an hmang tur a ni.

RAWTNA: Bawlhhlawh paih chungchanga kan nungchang hian kan chhungril rilru puthmang a lantir a, kan Originality pawh a tilang a ni. Mi rilru chhunglama a thawh miau loh chuan, Faina, Thianghlimna leh Bawlhhlawh paih chungchangah hian duhthusamin a hlawhtlin theih loh a ni. Nimahsela, theihtawpa inkaihhruai a, inzirtir a, inzilh a, inhauh a, inkhap a, nasa taka inkhuahkhirh a, taima tak leh strict taka enpui leh check chuan nasa takin hma kan sawn thei a ni.

Chutianga viltu tur, Vengchhung in tin, a kilkhawr ber thlenga ni tin a theih loh pawhin, thla tin ni lovin, kar tin tlawhchhuak dap a, an in leh a vel, khawlai leh kawr velahte bawlhhlawh, a bik takin ṭawih thei lo eng chi pawh an paih em tihte uluk taka enfiahtu tur - Volunteer eng emaw zat Veng tin hian nei ṭheuh ila. Chu'ng mite chu thuneihna sang tak pe ila, mite bawlhlawh khawl dante, tunkar chhunga an bawlhhlawh chu khaw' nge tihte nen lam zawtin check vek zel se la. Zirtir, zilh leh hauh, hrem leh chawitir an ngaih pawhin an kutah dah vek ila.Tin, report pek zat zatna tur indawt fel tak siam bawk ila.Hrem ngai leh chawitir ngai chu tu mah thlei bik nei lo ila.Tin, Volunteer-te chu rinawm tak leh ṭhahnemngai taka an thawh theih nan lawmman ṭha tawk tak, Sawrkar emaw, khawtlangin emaw pe bawk ila.

Chutiang taka hun eng emaw chen kan tih theih phawt chuan ngaiah kan neih chhunzawm ve mai ang a, kan ziaawm ve leh chho mai ang. Chutiang kara Naupang lo seiliante chuan an rawn ṭhanhnan zel mai dawn a ni. Rawn pem thar apiangte pawh lo en thlithlai uluk viau zel ila. Tin, a khawnkhawm, a paih dan tur leh paihna hmun leh a tih riral dan chu Sawrkarin dik tak leh felfai takin a buatsaih tur a ni. Tichuan, kan rilru, kan nungchang, kan khawlai leh kan ram chu a lo fai leh ang a, hlim leh lawm takin mi tin kan khawsaho tawh ang a, ZORAM NUAM kan siam dawn nia.

Thubelh: Mi tam takin dik an tih ruk, mahse an sawi chhuah duh loh leh sawi ngam loh he thu ziak hian beihlet leh sawisel, criticise a hlawh hle ang a, chu chu a suak, mi dazatte aṭanga chhuak a ni ang a, chu'ngte chuan kan ram hi an dominate tawhzia a tilang ang.

FAI NGAINAT HI PATHIAN LAM CHHUAK A NI A. TAWP NGAINAT HI SETANA LAM CHHUAK A NI.

- K.Hmingthankaia