Economy: SEPTEMBER 2023 THLA CHHUNG INDIA GST KHAWN ZAT ₹ 1,62,712 CRORE A TLING, 11% IN A PUNG
India ramin September 2023 thla chhunga GST chhiah a khawn zat chu ₹ 1,62,712 crore a ni tih, vawiina Finance ministry thu chhuah chuan a tar lang.
GST hmuhna hetiang hian thliar sín a ni : CGST – ₹ 29,818 crore, SGST – ₹ 37,657 crore, IGST – ₹ 83,623 crore (hemi zingah hian ₹ 41,145 crore chu ram dang aṭanga bungrua leh thil lakluh aṭanga hmuh a ni), Cess khawn zat ₹ 11,613 crore (₹ 881 crore chu ram dang aṭanga thil lakluh aṭanga hmuh a ni).
IGST aṭanga chhiah khawn hi Central chanpual CGST ah Rs. 33,736 crore leh State chanpual SGST tan Rs 27,578 crore sem nghal a ni. GST lut zawng zawng Centre leh States te insem zat chu hetiang hi a ni, ₹ 63,555 crore hi Centre (CGST) a ni a, Rs 65,235 crore hi state ( SGST) chan tur a ni tih October 1, 2023 tlai dar 3:40 a Finance ministry thuchhuah chuan a tar lang.
September 2023 chhunga chhiah khawn hi September 2022 khawn aiin Rs. 15,029 crore 10.17% in a tam zawk. Thla hmasa August 2023 a khawn Rs. 1,59,069 crore aiin Rs 3,643 crore (2.29%) in a tam zawk tih Finance Ministry thuchhuah chuan a tar lang.
NIKUM NEN KHAIKHINNA
Month 2022 -23 2024-24
Apr 167,540 187,035
May 140,885 157,090
Jun 144,516 161,497
Jul 148,995 165,105
Aug 143,612 159,069
SEP 147,683 162,712
Total 893,334 992,508
THLA 6 CHHUNG DINHMUN
Nikum 2022-23 thla 6 chhung (April–September) chhunga GST khawn zat belhkhawm Rs 8,93,334 crore a ni a, thla khatah chawh rualin Rs 1,48,889 crore khawn ang a ni. Kumin 2023-24 thla ruk chhunga GST khawn belh khawm Rs 9,92,508 crore a ni a, a thla tin chawh rualin Rs 1,65,418 crore khawn ang a ni. Nikum aia a punna hi 11% a ni.
Khawn tam
September 2023 chhunga GST chhiah khawn tam state te (rupees in crore) :
Maharashtra 25,137
Karnataka 11,693
Gujarat 10,129
Tamil Nadu 10,481
U. P 7,844
Khawn tlem
State lian leh mihring tamna GST khawn tlem te (rupees in crore) :
Telengana 5,226
W. Bengal 4,940
Odisha 4,249
Rajasthan 3,869
Andra Pradesh 3,658
Madhya Pradesh 3,118
Kerala 2,505
Bihar 1,397
NE State
NE state 8 te kumin September 2023 leh nikum September 2022 thla chhunga GST chhiah khawn zat hetiang hi a ni a, za zela punna % dah bawk a ni.
(Rupees in crore)
STATE Sep Sep
2022 2023 %
ASM 1,157 1,175 2
SIK 285 315 11
MEG 161 165 2
TRI 65 73 13
ARU 64 81 27
MAN 38 56 47
NAG 49 52 5
MIZ 24 27 14
MIZORAM KHAWN & CHAN
Kumin 2023-24 thla 6 April–September thla chhunga Mizoram state-in GST a khawn zat (pre settlement) Rs 93 crore a ni a, Finance Ministry in IGST hnuaia a khawn state te chanvo a pek hnu (post settlement) a Mizoram chan chu Rs 147 crore a ni.
HEI VE THUNG HI
State dangte aia Mizoramin GST a khawn tlem chhan hi tun hnaia zir chiannain a tarlan danin contractor leh sumdawng zingah GST pe lo (Return file lo) an awm tih hriat a ni. Hei hi thawktu indaih loh vang a nih thu hriat a ni.
GST Return file turte hian rinawm taka chhiah pek hi kan mawhphurhna a ni tih kan hriat a ṭul hle a ni.
Mizoram state-in GST kan khawn khawm theih zat aṭang hian han inhampuar viau ṭhin mah ila, kan dinhmun hi tih chianin a awm leh ṭhin chu a ni e.
Source : PRESS INFORMATION BUREAU (pib.gov.in) OCT 01, 2023, @ 3:40 PM IST
- Huna Kawlvawm