PMEGP hnuaia hmalak tawhna thlirho

Commerce & Industries minister D. R Lalthangliana hoin nimin khan Secretariat conference hall-ah sorkar kum kal mek 2018-19 chhunga Prime Minister’s Employment Generation Programme (PMGEP) hnuaia hmalaknate an thlirho a; implementing agency leh bank-te'na PMEGP loan an pek chhuah kawnga harsatna an tawhte sawihh nghal a ni.

Dr R Lalthangliana chuan, PMGEP chu scheme malsawm tak, a bik takin khawpuia ṭhalai lehkhathiamte'n eizawnna ngêlnghet an neih theihna atana kawng ṭha tak siamsak theihna a nih thu a sawi a, "Sorkar flagship programme SEDP nen pawha state sorkar sum tihek loa project behchanaa kalpui theih a ni," a ti.

Bank-ten PMEGP loan an pek chhuah chu target ngaituahin a tlem hle tih sawiin Dr R Lalthangliana chuan, "Hei hi a pawi a, harsatna in neihte sukiang turin meeting hi koh a ni," a ti a; bank hotute chu PMEGP pek chhuah kawnga harsatna an neihah puih a inhuam reng thu a hrilh.

Commerce & Industries secretary Zothan Khuma pawhin thu sawiin, achievement rate a chhiatna chhan lian tak pakhat chu bank-ten sorkar kum tawp dawna PMEGP loan an buaipui vang a nih thu a sawi a, "A lut hmasa a­piang tihfel zel ni se chuan kan achievement hi hei aiin a sang fe thei a ni," a ti. 

Meeting-a tarlan danin, PMEGP-ah hian kum 2018-19 chhungin bank-te target 818 tuk an nih laiin, an achievment chu ni 9.1.2019 thleng khan 188 a ni a, chu chu target aṭangin 14.50% chiah a ni.



Share this Post

Login to comment
No Comments