Synod Inkhawmpui rorel ṭan a ni

Mizoram Presbyterian Kohhrana rorelna sang ber, Synod Inkhawmpui vawi 95-na, Electric Veng Kohhran biak-ina December 4, Thawhlehni zana ṭanah nimin khan rorel inkhawm neih ṭan a ni a; kum 2019 Synod Inkhawmpuia moderator atan Rev. R Lalchangliana an thlang.

Synod Inkhawmpui rorel ṭan a nih hmain moderator kal chhuak Rev. F Lalrinnunga'n moderator thar Rev. R Lalhmingthanga hnenah puithiam kawr hâktirin moderator mawh­phurhna a hlan a; Rev. R Lalhmingthanga kaihhruaiin rorel a ni.

Kumina Synod Inkhawmpui puipa dangte chu - secretary (senior) Upa R Dengzikpuia, secretary junior) Rev. R Vanlalnghaka, finance officer Rev. PC Pachhunga leh Rev. H Remthanga, statistician Rev. R Lalnuntluanga, executive secretary Rev. Lalramliana Pachuau leh Rev. B Sangthanga te an ni.

Synod chuan kum 2019 Synod Inkhawmpuia moderator atan Rev. R Lalchangliana an thlang a; puipa tur dangte chu - secretary (senior) Rev. R Vanlalnghaka, secretary (junior) Rev. Vanlalrova Khiangte, finance officer Rev. B Sangthanga leh Rev. Lalramliana Pachuau, statistician Upa C Lalbiakthanga leh, executive secretary Rev. Lianhmingthanga Sailo leh Rev. K Lalrinmawia te an ni.

Kum 2019 Synod Inkhawmpui hi November 27 - December 8 chhungin Mission Veng Kohhran biak-inah nghah a ni ang.

Nimina rorelnaah hian pastor leh probationary pastor awmna hmun sîksawi rawtna leh committee/board hrang hranga member tur rawtnate pawm a ni a; vawiin aṭangin general agenda an ngaihtuah dawn a ni.



Share this Post

Login to comment
No Comments