Excise & Narcotics crime review meeting

Excise & Narcotics department chuan nimin khan an commissioner Ngurchungnunga Sailo hoin commissionerate conference hall-ah crime review meeting an nei a; Mizoram inthlanpui awm tur rálmuang tana neih a ni theih nana September 2018 aṭanga hma an lakna (special drive) an neih tawh dante an thlirho.

Excise & Narcotics hian Aizawl district bikah September 2018 chhung khan MLPC Act hnuaiah thubuai 107 an ziak lut a; rakzu litre 5,913 leh zu bilh lai ṭín 11,390, lirthei pali leh zu siamna bél 54 an man. NDPS Act hnuaiah ruihhlo kaihhnawihah thubuai 19 an ziak lut a; heroin gram 229.4, ganja gram 65 leh lirthei pakhat an man bawk.

Excise & Narcotics department chuan, Mizoramah inthlanna rálmuang neih theihna tura district hrang hrangah hma an lak dan turah ruahmanna mumal tak, Standard Operating Procedure (SOP) an duang a, chumi ang chuan hma an la mek. Chak zawka hmalak zel an tum a, an hmalakna turah mipuite ṭawiawmna ṭha an dawn reng reng an beisei thu an tarlang.



Share this Post

Login to comment
No Comments