Accounts & Treasuries-in NPS hnuaiah PPAN 957 leh PRAN 1,460 an pe thar

Accounts & Treasuries department-a Chief Controller of Accounts Office chuan, April 2017 - March 2018 chhungin sorkar hnathawk New Pension System (NPS) hnuaiah PPAN 957 leh PRAN 1,460 an pe chhuak.

Accounts & Treasuries department-in April 12, 2018-a Annual Work Review an neiha an tarlan danin, sorkar kum liam ta 2017-18 chhungin NPS hnuaiah PPAN 957 leh PRAN 1,460 an pe thar a, DDO code pek thar 13 a awm. Mizoram sorkar hnathawk zingah GPF subscriber 35,057 an awm mek a, final payment case 1,638 an dawn aṭangin 1,563 an tifel a; DLI-ah 423 an dawnte an tifel vek hman. GPF account number mi 448 an pe thar a, nomination thlak mi 408 an awm.

Kum 2017-18 chhung­a lehkha (new dâk) an dawn zawng zawng chu 17,90,764 a ni a, dak (lehkha) 9,32,257 an thawn chhuak ve thung. Sorkar hnathawkte'n in sakna tur sorkar aṭanga loan an dil ṭhin House Building Advance (HBA) code number pek thar tur an dawn 430 aṭang­in 424 an tifel a ni.



Share this Post

Login to comment
No Comments