Project Pushpak-in free medical camp an buatsaih

Project Pushpak chuan nimin khan an kum 50 (Golden Jubilee) tlin pualin Govt. Middle School, Hnahthial-ah Free Medical & Blood Donation Camp an buatsaih a, Project Pushpak CE Brig. Virender Singh-in a hman pui.

Brig. Virender Singh chuan hawnna thu sawiin, "Mizorama kan unau duh tak te, civil administration leh YMA-te nen ṭankawpa Project Pushpak-in golden jubilee puala, Free Medical & Boold Donation Camp a buatsaih-ah hian ka lo lawm che u. Project Pushpak hian kum 50 chuang Mizoram tan hna thawk tawhin kawng kilometer 3600 a thui leh meter 2200 a sei lei a dawh tawh a ni. Vawiina he hun rawn hmang tura zawng zawngte chungah leh min ṭanpuitu doctor-te chungah ka sawi a ni," a ti.

Inkhawma tarlan a nih danin, Tuipui-ah marboart service tir mek a ni a, hei hi Siaha district-te nen kan inkalpawhna kawng pawimawh tak a nih avangin marboat service loin Tuipuiah hian lei  kum 2/3 velah dawh zawh theih a ni dawn a, he lei dawh tur hi meter 340 a thui tur a ni.

Free Medical Camp-ah hi doctor specialist chi hrang hrang medicine, surgical, gynaecologist, paediatrician, eye, ENT leh dental an ṭhu a, inentir turin mi 1500 chuangin hming an ziak lut a, vawiinah chhunzawm a ni ang.



Share this Post

Login to comment
No Comments