Jonas-a'n Priyanka car a present

American pop rock band intuaithar leh mek Jonas Brothers chuan Billboard Hot 100 chart-ah No.1 an hauh leh ta a, hemi lawm nan hian an member Nick Jonas chuan a nupui Priyanka Chopra chu car a present. 

Priyanka-i'n car a dawn hi Mercedes Maybach a ni a, a man pawh a to hle. India pawisa chuan vaibelchhe 10 chuang zet a ni a, a pasal hnen aṭanga a thilpek dawn hian a tilawm hle a ni. 

Jonas Brothers hian tun hnai khan 'Sucker' an tichhuak a, an hlawhtlinpui mek. Hun rei tak hnua a vawi khat nan Billboard Hot 100-ah dinhmun sang ber an luah leh ta a, band member-te pawh an lawm hle a ni. Nick, Joe leh Kevin Jonas-te hian lawmpuitu pawh an ngah hle a, chung zingah chuan Priyanka pawh hi a tel a ni. 

Priyanka hi 'Sucker' music video-ah hian a lang ve nghe nghe a, Joe Jonas-a kawppui Sophie Turner leh Kevin Jonas-a nupui Danielle Jonas-te pawh a lang bawk a ni. 



Share this Post

Login to comment
No Comments