Ozzy Osbourne dinhmun a ṭha lo

Heavy metal legend Ozzy Osbourne chu ṭhat lam a pan thei meuh loh vangin Intensive Care Unit (ICU)-ah dahluh a ni. Kum 70 mi Ozzy Osbourne hi a hriselna dinhmun a ṭhat loh avangin Hospipal-ah admit a lo ni tawh a, hma a sawn meuh loh avangin ICU-ah sawnluh a ni leh ta a ni. A natna hi chiang taka tarlan ni lo mah se pneumonia niin an sawi. 

English singer hi Janruary 30 khan 3Arena, Dublin, Ireland-ah 'No More Tours 2' kick-off nei tur a ni a, UK leh Europe ram hrang hrangah concert nei zui tur a ni. Mahse a taksa lamah harsatna a tawh tak avangin kaltlangpui a ni ta lo a, Germany, Sweden, Finland, Switzerland leh Italy-a show a neih turte pawh a hun sawn hlat a ni. 

The Prince of Darkness an tih mai Ozzy Osbourne hian ngaiawh leh tur chuan hun a la mamawh rei dawn niin doctor-te chuan an sawi a, ICU-ah dahluh a nih leh tak zel avangin fan-te an mangang tawh hle. 



Share this Post

Login to comment
No Comments