Marina-i'n music video thar peih fel

Mizo Idol aṭanga Zoram mipuiin kan hmelhriat sMarina Vanhriatpui Varte chuan music video thar a peihfel leh ta a, hmuh tur a awm thuai dawn. 

Marina V Varte hian 'All In' album a tichhuak a, henga a hla te hi music video-in a siam chho mek. Tun ṭuma mi pawh hi he album-a mi hi niin, Lalhmachhuana Zofa phuah 'Zawlpala leh Tualvungi' tih a ni. A hla thu hi Mizo rilrem zawng tak niin, asatu hian a sa thiam hle bawk. Music video hi MDM library-ah dahluh a ni tawh a, Zonet Local channel leh YouTube lamah te hmuh tur a awm thuai dawn a ni. Marina-i hian kumin March thla khan 'All In' album hi a lo tlangzarh tawh a, hla pakua a awm a ni. Album hming put chan ber 'All In' chu July thla khan music video siamin a lo tichhuak tawh a, Ṭhazual chart-ah pawh a thleng sang hle a ni. 

'All In' album aṭanga a music video pahnihna tur 'Zawlpala leh Tualvungi' pawh hi beisei a sang hle a ni. 



Share this Post

Login to comment
No Comments