Hlimhlimi music video thar 'Min pui ang che'

'Ṭhian rinawm' tih hla hmanga Zoram mipui min awi tlei mektu H. Vanlalhmimpuii (Hlimhlimi) chuan music video thar a peih fel leh ta der mai. A hla thar hi ‘Min pui ang che’ tih a ni a, zanin hian Zonet Zawlbuk-ah chanchin thar 

puan hmain tihchuah a ni ang. 

‘Minpui ang che’ tih hla phuahtu hi R. Lalchhanhima (Chhantea), Khumtung a ni a, ani hi hla ṭha tak tak eng emaw zat a lo phuah tawh a ni. Chhantea hian ama hla phuah dahkhawmna music video album 'Chhantea Hlate' tih chu 

a lo tlangzarh tawh a, Mizo hmeichhia zaithiam tak tak ten an sa a ni. 

Tunah hian Album Vol.2 tur a buaipui chho leh mek a, zaithiam lar tak takten a hla hi an sa leh dawn a ni. Kumin chhunga tihchhuah hman tura ruahman niin, recording leh shooting pawh zawhfel thawkhat a ni tawh. Hlimhlimi 

music video thar ‘Min pui ang che’ tih pawh hi Chhantea album Vol. 2 khuhhawna te pawh a tih theih awm e.

He hla hi kawng dik hriaa sual kawng zawh ṭhin ten, Pathian hnena tanpui an dilna testimony hla ṭha tak a ni a, en leh ngaihthlak pawh a chakawm tawh hle. Video hi Mawitea Hauchhum (RDS) kutchhuak niin, music hi Lal K. 

Sailo siam sak a ni.

Hlimhlimi hi tunlai ṭhalaite lawm hlawh leh zaithiam tak a ni a, Ṭhazual top chart-ah pawh pakhatna a hauh zing hle. A hla thar pawh hi a hit leh hle turah ngaih a ni a, beiseina pawh a sang hle a ni. 



Share this Post

Login to comment
No Comments