Mizo Idol 2018 Zaninah mi pakhat thlah liam a ni dawn Live music nen hla pahnih hmangin intihsiak dawn

Mizo Idol Season 6 intihsiak chu zanin hian chhunzawm a ni leh dawn ta a, contestant pakhat thlah liam a ngai dawn thung. Show tir lamah result puan a ni dawn a, top 5 lutte chu hla pahnih hmangin an intihsiak zui dawn a ni. 

Mizo Idol intihsiak boruak a nung chho zel a, mipui lam pawhin ṭan zawng an nei fur tawh. Chutih rual chuan zaninah mi pakhat thlah liam a ngaih dawn avangin mi ṭhenkhat tan chuan a lungchhiat thlak hle dawn a ni. 

Thawhlehni zan khan top 6 intihsiak hi neih a ni a, zaninah a result kan hmu dawn. Mi paruk zing aṭangin tu emaw ber a tla dawn a, top 5 lut tur a la chiang lo. Tu emaw ber chuan thlahna hla a sak a ṭul dawn a, Mizo Idol 

zinkawng a hautak leh zual dawn a ni. 

Hla pahnih hmangin

Top 5 lutte hian hla pahnih an sak a ngai tawh dawn a, live music nen a ni ang. An hla sak tur hi intihsiak neih chhunga an hla sak tawh leh MDM hla inphuahsiaka mi a ni ang. Music Domain Mizoram (MDM) hian tun hnai khan 

Mizo hla inphuahsiak an lo buatsaih a, Lengzem leh Pathian hla-ah ṭhen a ni. Henga hla ṭhazual te hi contestant te hian an sa thei dawn a, an hla thlan a lo inang palh a nih chuan a sa tur zawk pawh a ni ang. Contestant ten an hla 

duh an thlan theih rualin vanduai palh pawh a awm thei tho tihna a ni.   

Chutih rual chuan an hla sak bel sa tawh an sa nawn thei dawn a, entu mipui lam tan pawh chanchin lawmawm tak a ni. Hla nalh tak taka an lo sak tawh sak nawn theihna hun siamsak an nih avang hian contestant te tan pawh phur 

a zang sawt dawn a ni. 

Live music vek a ni dawn bawk a, en a man hla leh sawt dawn a ni. 

Top 6-ah hian Chhinga veng tlangval Ticos Darhmingliana, Jonathan Lalengzauva (Pangzawl), Malsawmdawngkimi (Kolasib), Immanuel Lalawmpuii (Zemabawk), Jerry Lalrinawma (Chanmari) leh Champhai nula H. 

Lalnunsiami te an intihsiak a, zaninah an zinga pakhat hi a tla dawn a ni. 



Share this Post

Login to comment
No Comments