BMI London Award-ah Ed Sheeran a ropui

BMI London Awards 2017 sem zawh takah Ed Sheeran a ropui a, a hla phuah 'Love Yourself' chu song of the year atan thlan a ni. 

Thawhṭanni zan khan Dorchester Hotel-ah award hi sem a ni a, songwriter, musician leh publisher ṭha zualte hnenah award hlan an ni. 

Ed Sheeran-a hla 'Love Yourself' hi Justin Bieber chuan thiam tak maiin a sa a, lar pawh a lar vet vet hle. Sheeran chuan Award hi musician famta Toby Smith tan a hlan thu a sawi. Kum 2016 khan 'Thinking Out Loud' tih hla hmangin Sheeran hian 'Song of the Year' award hi a lo dawng tawh bawk a ni.

Jay Kay chu BMI President's Award hlan a ni a, show-ah hian a perform nghal bawk. A ni bakah hian Kenny Chesney, P!nk, Willie Nelson, Adam Levine leh  Toni Braxton te hnenah pawh hlan a ni. English rock band Foals pawhin a ṭum khat nan BMI London Award an dawng a, Bipolar Sunshine pawh  Pop award hlan a ni bawk. 

BMI Award hi kum 1952 aṭang khan U.S-ah sem ṭan a ni a, award semna khawpui hming tarlan tel ṭhin a ni. Kum 2007 khan London-ah hian sem a lo ni tawh bawk. 



Share this Post

Login to comment
No Comments