Airlines-te Boeing 737 Max 8 thlawhtheihna hman khapsak

Ethiopian Airlines thlawhtheihna, Boeing 737 Max 8 chu Pathianni khan tlain thlawhtheihnaa chuang mi 157 te chu an vaiin an thi a, he chetsualna thlen hnu hian ram eng emaw zat chuan Boeing thlawhthihna thar ber hi a him tawk lo nia ngaiin an ram airlines-te chu hmang chhunzawm rih lo turin an ti a, nimin khan Indian Airlines-te pawh hman khapsak an ni ve leh. 

Directorate General of Civil Aviation chuan Thawhlehni khan India ram boruak china 737 Max 8 hman khap hi relin, thlawhtheihna himna lamte enfiah a siamṭhat a nih hma chuan airlines-te chu he thlawhtheihna hi hmang rih lo turin a ti a ni. India hma hian UK,France, Germany, Malaysia, Chin,a Brazil, Argentina, Mexico leh South Africa-te pawhin an rama 737 Max 8 hman hi an lo khap tawh bawk. 

Ram hrang hrang bakah airlines eng emaw zat pawhin 737 Max 8 aircraft chu an dintir a, Wall Street Journal-in a report danin khawvela 737 Max aircraft awm zinga 40% chuang chu dintir mek an ni tih a tarlang. 

India rama airlines zingah SpiceJet chuan 737 MAX 8 hi 12 a nei a, Jet Airways Lt in panga a nei a ni. 



Share this Post

Login to comment
No Comments