CBI-in Kolkata police hotu thu zawtfiah

Central Bureau of Investigation (CBI) chuan nimin khan a ni hnihna atan chit fund scam kaihhnawihah Kolkata Police Commissioner Rajeev Kumar chu Shillong-ah thu an zawtfiah leh. February 8 khan Kumr hi CBI hmaah hian a lo inlan tawh bawk a ni. 

Rose Valley leh Saradha chit fund scam kaihhnawihah hian CBI chuan Kumar bakah Trinamool Congres MP hlui, Kumar Ghosh pawh thu zawhfiah turin an ko bawk. Ghosh hi kum 2013 November thla khan man a ni a, kum 2016 khan Calcutta High Court-in interim bail-in a chhuahtir a ni. Nimin chawhma dar 10 khan Ghosh hi CBI office-ah a inlan a, darkar chanve hnuah Kumar pawh hian office hi a thleng ve leh a ni. 

Inrinni khan CBI chuan Kumar hi a kaihhruai Special Investigation Team (SIT) in chit fund scam a chhuinaah document pawimawhte tihchhia leh thupboa puh a nih chungchangah darkar riat chhung zet thu an lo zawtfiah tawh bawk a ni.

CBI officer-ten Kolkata-a Kumar thu zawhfiah an tum avanga Kolkata sorkar leh CBI-te inkara inhriatthiam lohna thleng, Supreme Court-in a ngaihtuah hnuah court chuan CBI-te chu an thil chhui an zawhfel hma chu Kumar hi man lo turin a ti a, hemi rual hian Kumar hi Shillong-a CBI office-a inlan turin a ti bawk. 

Kar kalta Zirtawpni tlai khan Kumar hian Shillong hi a thleng a, Kolkata police officer pathum Additional Police Commissioner Javed Shamim, STF chief Murulidhar Sharma leh CID Chief Praveen Kumar Tripathi ten an ṭawimawm. Kumar-a ukil, Biswajit Deb chuan Kumar hian CBI official-te hi a thawhpui ṭha hle tih sawiin, a hma pawhin ṭha taka a lo thawhpui tawh thu a sawi.



Share this Post

Login to comment
No Comments