Pakistan chet dana lungawi lohna thlen

Pakistan-a sakhaw thila zin, Sikh miten Indian High Commissioner hmuh an tum chu Pakistan sorkarin a lo dan avangin sorkar laipui a lungawi lo hle a, a lungawi loh thu hi Pakistan sorkar hnenah a thlen a ni.

Ministry of External Affairs (MEA) chuan April 12 khan Sikh mi 1800 vel chu biakzinin Pakistan-ah an kal a, heng mite hi ram pahnihten sakhaw hmun thianghlim tlawh phalsakna tura inremna an siam hnuaua kal a ni. Mahse heng mite lo lawm tura kal, Pakistan-a Indian High Commissioner chu thuneituten an lo dang kir niin MEA chuan a sawi. 

MEA chuan India palai chunga thiltih dan hi thil awm lo tak a nih thu leh, hei hi Vienna Convention palzutna a nih thu a sawi a, a lungawi loh thu hi Pakistan hnenah pawh a thlen tawh a ni, a ti. 



Share this Post

Login to comment
No Comments