Ramdev-a chanchin ziahna bu hralhchhuah khap

Delhi district court chuan yoga guru Baba Ramdev-a chanchin ziahna bu, 'Godman of Tycoon : The Untold Story of Baba Ramdev' chu hralhchhuah a khap.

Ramdev-a chanchin ziahna bu hi dawr aṭanga hralhchhuah khap a nih bakah, e-commerce site-a hralchhuah pawh a khap nghal bawk a ni. He lehkhabu hi Amazon leh Flipkart-ahte dahchhuah a ni. 

Lehkhabu tichhuaktu, Juggernaut Books chuan court thupek hi August 10 khan an hmuh thu an sawi a, he thupek hi a publisher Juggernaut Books emaw, lehkhabu ziaktu journalist Priyanka Pathak-Narain te lam pawh thu engmah zawtfiah loin khap a nih thu a sawi. 

Godman to Tycoon-ah hian yoga guru-i'n Haridwar-a puithiam hna a thawh aṭanga India rama FMGC company lian ber dawttu, Patanjali Group a din chhohna dan chanchin ziah a ni. A ziaktu hian a tunhma chanchinte pawh ziak telin, a thawhpui pahnih Rajeev Dixit leh Swami  Yoganand thih dan mak tak chanchinte pawh a ziak tel a ni. 



Share this Post

Login to comment
No Comments