Nitish Kumar leh Lalu Yadav-te'n meeting hran buatsaih

Bihar-a ṭangrual sorkar siamtu, Janata Dal (United) leh Rashtriya Janata Dal (RJD) inkar boruak a ṭha lo chho zel a, nimin khan JD(U)  hruaitu Chief Minister Nitish Kumar leh RJD hotu Lalu Prasad  Yadav-te chuan an hranin an party MLA-te meeting an neihpui. 

Meeting-ah hian vawiina neih tur president inthlan chungchang ngaihtuah a ni. Hei bakah hian eiruk thubuai siamsak a nih avanga deputy chief miniter aṭanga bang tura nawr, Tejashwi Yadav chungchang pawh an sawiho rin a ni bawk. Tejashwi Yadav hi Lalu Prasad-a fapa a ni a, eiruk thubuai siamsak a nih hnuah deputy CM aṭanga bang tura nawr a ni a, mahse RJD lam hian hei hi an thlawp lo a ni. 

Lalu Prasad Yadav pawhin a fapa hi deputy CM aṭangin a bang dawn lo tih a sawi tawh a, mahse JD (U) lamin dik lo tama ram neia puhna chungchangah a insawifel thei lo a nih chuan bang ngei turin an phut thung. 



Share this Post

Login to comment
No Comments