Israel PM-in Iran tlawn lungawi tum lo turin ngen

Israel Prime Minister Benjamin Netanyahu chuan ramdang hruaitute chu Iran tlawn lungawi tuma hma la tawh lo turin a ngen a, Iran dodal tura an ṭanrual a hun tawh zawk niin a sawi. 

Cabinet meeting-a thu a sawiah, Israel PM chuan firfiak pawlte bei leh do let turin ram hrang hrang hruaitute chu an ṭangrual a ngai a ni, a ti. Iran hian Europe-ah firfiakte a tirh laiin Europe ram hruaitute chuan Iran chu inremna siampuia tlawn lungawi an tum mek niin a sawi. Hetiang thil hi pawm theih a ni lo tih a sawi bawk. 

Israel ram hruaitu chuan khawthlang ram sorkarten US President Donald Trump-a kaihhruai sorkarin Iran laka hma a lak dante chu an zawm ve a hun tawh a ni, a ti. Israel hian Iran hi an ram himna atana hlauhawmah ngaiin a ngaimawh hle a ni. Kum 2015-a Iran leh world power ram parukten nuclear deal an siam pawh khan Netanyahu hian a sawisel nasa hle. Mahse he inremna aṭang hian US chu kumin May thla khan a inhnukdawk a ni. 



Share this Post

Login to comment
No Comments