Korea ram pahnihten high-level talk nei dawn

North Korea leh South Korea chuan Korean peninsula-a boruak muanawm a awm theihna tura hma lak chhunzawm dan ngaihtuahin May 16 hian high-level talk neih an remti. 

South Korea Unification Ministry chuan May 16-a meeting neih turah hian April 17-a inter-Korea summit neiha an thu relte a taka kalpui anih dan turte an ngaihtuah dawn tih a sawi. He meeting hi Panmunjom-a Peace House-ah neih a ni ang. Korea ram pahnihte hian Korean Peninsula chungchanga kum 70 zet an inkara buaina an lo neih tawhte chinfel dan kawng an zawng mek a, NKorea chuan tunhnaiah May  23-25 inkar hian a nuclear test site kharin, nuclear test leh missile test a neih ṭhin pawh a titawp tur thu a lo sawi tawh a ni. June 12 hian US President Donald Trump leh NKorea ram hotu lu ber Kim Jong-un te chuan Singapore-ah meeting neih an tum bawk. 



Share this Post

Login to comment
No Comments