Hungary-ah inthlan ṭhat phutin nawrh huaihawt

Hungary Parliament inthlanpui chu April 8 khan neih niin, Prime Minister Viktor Orban-a party chu a zawnin a ṭum thumna atan an tling. Hetih lai hian eptu lam chuan inthlan neih hi a felfai tawk lo nia sawiin inthlan ṭhat phuin Inrinni khan an ram khawpui, Budapest-ah nawrh an huaihawt. 

Inrinni-a nawrh huaihawt te hi mi nuai khat an tling nia sawi a ni a, inthlanna felfai zawk neih an phut thu sawiin, sorkarin an thil phut a ngaihthla lo a nih chuan nasa zawka nawrh chhunzawm an tum thu an sawi.

Inthlanpui neihah hian conservative prime minister Orban-a kaihhruai Fidesz-KDNP ṭangrual chuan parliament seat 199 zinga 134 an la a ni. Mahse eptu lam chuan inthlan neih hi a fel tawk lo hle niin an sawi thung. Eptute bakah civil organization hrang hrang pawhin vote chhiar ṭhat an phut bawk.



Share this Post

Login to comment
No Comments