California ramkang : Chin hriat lohin mi tam tak awm

California ram kang vanga thi chu mi 15 an tling tawh a, chin hriat lohin mi tam tak an awm mek bawk. 

Police-te chuan Pathianni aṭanga  California wine county-a ram kang vangin in 1,500 chuang a kang chhe tawh a, mi 150 chuang chin hriat lohin an awm mek tih an sawi. Kangmei chhuak vanga thi zinga pakuat hi Sonoma County ami an ni. 

Kangmei chhuak hi San Francisco hmarlama Santa Rosa in an tuar nasa ber a,  kangmei chhuak hian district pum a tuam a ni. California fire chief, Ken Pimlott chuan Thawhlehni khan darkar 24 chhungin hmun 17-a ram  kangin ram acre 115,000 a zau a tuam hman thu a sawi. 



Share this Post

Login to comment
No Comments