Nigeria school zirtirtuten exam paltlang lo

Nigeria hmarlam, Kaduna state-a primary school zirtirtute chu an zirlai, naupang kum ruk  mite exam-na tur an set chhantir an ni a, an zing hmun thuma ṭhena hmun khat chuan 75% an hmu pha lo. 

State governor Nasir El-Rufai chuan zirtirtu 21,780 te chu exam hi neihtir an nih thu a sawi a, 75% hmu pha lo te thlakna tur zirtirtu thar lak an ni dawn tih a sawi. 

El-Rufai chuan zirtirtu hna thawk tur laknaah hian politics  a inrawlh nasat ṭhin avangin a tling lote lak an ni fo tih a sawi a, mahse heihi thlak danglam anih tur thu sawiin, primary school zirtirtu atan hian a tling ngei chuah an la tawh dawn tih a sawi. 

Governor chuan an state chhunga zirtirtu indaihlohna thleng mek chingfel turin hma an la dawn tih a sawi bawk a, bial ṭhenkhatah chuan zirlai 100 tan zirtirtu pakhat chauh awm ang a nih thu a sawi a ni. 



Share this Post

Login to comment
No Comments