Trump-a'n Putin-a lawmthu a hrilh

US President Donald Trump chuan Russia President Vladimir Putin-a'n Russia-a US embassy-a hnathawkte titlem tura hriattir a, hnathawk zinga eng emaw zat an ram chhuahsan tura a tih avangin lawmthu a hrilh. 

Trump chuan Russia President thupek avang chuan sorkar hnathawk hlawh pek tur pawh a tlem phah sawt dawn niin a sawi. President Putin chuan thla hmasa khan US sorkar nena Russia-a US-in hnathawk a dahte chu titlem tura hriattirin, hnathawktu mi 755-te chu Russia chhuahsan turin a ti a, US mission compound pahnih pawh a kharsak bawk a ni. Trump chuan sorkar hnathawk tihtlem an tum mek laia hnathawktu tam tak a chhuahtir chu thil lawmawm tak a nih thu a sawi a, payroll a tlem phah sawt a ni tiin, sum eng emaw zat an hum theih phah dawn tih a sawi a ni. 



Share this Post

Login to comment
No Comments