Maduro-a'n Trump-a inbiakna neihpui a duh

Venezuela President Nicolas Maduro chuan US President Donald Trump-a chu hmaichhana inbiakna neihpui a duh thu a sawi. 

Constituent assembly thlan thar hmaa thu a sawiah he thu hi Maduro chuan a sawichhuak a, thla thara New York-a UN General Assembly hmang a kal hunah US President chu meeting neihpui a duh tih a sawi. 

Hetih lai hian Donald Trump-a kaihhruai sorkar chuan Maduro hi democracy kalphung palzut leh ngai pawimawh loah puhin tunhnaia hrekna a siam a ni. Maduro chuan US-in an ram hrekna a siam hi American court-ah khin a tum thu a sawi bawk.

Eptuten nasa tak an dodal chungin Constituent Assembly hi thlan a ni a, ram danpui siamṭha tura thuneihna pek a ni dawn a ni a, hei bakah hian assembly hian sorkar hnuaia branch hrang hrang chungah thuneihna a nei bawk ang. President Maduro chuan an ram danpui siamṭhat chu an ram tualchhung buaina leh politics buaina thleng mek chinfelna kawng awm chhun niin a sawi. Mahse sawiseltu lam chuan Constituent Assembly din hi Maduro-a'n a thuneihna tihngheh a tumna hmanrua niin an puh thung. 



Share this Post

Login to comment
No Comments