Italy coach thar Mancini

Italy-in coach atan Manchester City manager hlui Roberto Mancini an nemnghet. Kum 53 mi Mancini hian World Cup an thlen phak loh avanga an ban tak Gian Piero Veantura a thlak ang.

Azzurri hi World Cup qualifying round-ah Spain nen an awm a, pahnihna an nih avangin playoff-ah Sweden an hmachhawn a, an hneh lo. Kum 1958 hnua a vawi khat nan Italy hian World Cup an khel dawn lo.

Italy hian nikum November 15 khan Ventura hi ban nghal mah se a thlakna tur an lalawk lo a, Mancini an lak hma hian Luigi Di Biagio chuan team hi a lo enkawl lai lawk.

Mancini hian tun hmain club lar tak tak Fiorentina, Lazio, Inter Milan, Manchester City, Galatasaray leh Zenit Saint Petersburg te a enkawl tawh a, ram team erawh la enkawl loin Azzurri hi a vawi khat enkawlna tur a ni.

An ram team enkawl a duh avang hian Russian club Zenit nen inbiakremin a contract an titawp a, Italy a enkawl tawh dawn. Mancini hi a inkhelh hun laiin Italy tan match 36 khelin goal li a khung.

Italy hian May 29-ah Saudi Arabia nen friendly match an khel dawn a, hei hi Manicini hnuaia an match hmasa ber tur a ni ang.



Share this Post

Login to comment
No Comments