Germany-in player 26 awmna squad puang

FIFA World Cup champion lai Germany chuan nimin khan player 26 awmna probables squad an puang a, Brazil-a an champion theihna tura chakna goal khungtu Mario Gotze hming a awm lo.

Kum 25 mi Gotze bakah hian Liverpool midfielder Emre Can, Bayern Munich striker Sandro Wagner leh FIFA Confederations Cup an champion theih nana goal thum khungtu Lars Stindl te pawh an ko lo.

Die Mannschaft coach Joachim Low chuan inhliam vanga hun rei tak khel thei lo Manuel Neuer chu a ko tel a, ram tana la inlan lo Nils Petersen a ko tel bawk. Freiburg forward Petersen hian tun season Bundesliga-ah goal 15 a khung a, kum 29 mi ni tawh mah se koh chhan ṭha tak a awm niin a lang.

Germany hian June 4 hian player 23 awmna final squad chu FIFA hnenah an thehlut dawn a, coach Low-a'n goalkeeper pakhat bakah player pahnih a la paih dawn tihna a ni.

Probables Squad

Goalkeepers: Bernd Leno (Bayer Leverkusen), Manuel Neuer (Bayern Munich), Marc-Andre ter Stegen (Barcelona), Kevin Trapp (Paris Saint-Germain)

Defenders: Jerome Boateng (Bayern), Jonas Hector (Cologne), Mats Hummels (Bayern), Joshua Kimmich (Bayern), Marvin Plattenhardt (Hertha Berlin), Antonio Rudiger (Chelsea), Niklas Sule (Bayern), Jonathan Tah (Bayer Leverkusen)

Midfielders: Julian Brandt (Leverkusen), Julian Draxler (PSG), Leon Goretzka (Schalke), Ilkay Gundogan (Manchester City), Sami Khedira (Juventus), Toni Kroos (Real Madrid), Mesut Ozil (Arsenal), Sebastian Rudy (Bayern)

Forwards: Mario Gomez (VfB Stuttgart), Thomas Muller (Bayern), Nils Petersen (Freiburg) Marco Reus (Borussia Dortmund), Leroy Sane (Man City), Timo Werner (RB Leipzig)



Share this Post

Login to comment
No Comments